തിരുവനന്തപുരം : ലോകായുക്തയെ കൂടുതല് ദുര്ബലപ്പെടുത്താന് സിപിഎം മുന് മന്ത്രി കെ.ടി ജലീലിനെ ഇറക്കി വ്യാജ ആരോപണങ്ങള് പടച്ചു വിടുകയാണെന്ന് മുന്മുഖ്യമന്ത്രി ഉമ്മന് ചാണ്ടി. കുറ്റാരോപിതരെ രക്ഷിക്കാന് ലോകയുക്തയുടെ അധികാരം കവര്ന്നെടുക്കാന് നടത്തുന്ന ശ്രമങ്ങള്ക്കു പിന്നാലെയാണ് ഇപ്പോള് വ്യാജാരോപണങ്ങള് ഉന്നയിക്കുന്നതെന്നും അദ്ദേഹം പറഞ്ഞു. എംജി സര്വകലാശാലാ വൈസ് ചാന്സലറായി ഡോ.ജാന്സി ജെയിംസിനെ നിയമിച്ചത് 2004 നവംബറിലും യുഡിഎഫ് നേതാവുമായി ബന്ധപ്പെട്ട ഹൈക്കോടതി വിധി ഉണ്ടാകുന്നത് 2005 ജനുവരിയിലുമാണ്.
അനുകൂലമായ കോടതിവിധിക്ക് പ്രതിഫലമായാണ് വൈസ് ചാന്സര് നിയമനമെന്ന വാദം ഇതോടെ പൊളിയുന്നുവെന്നും ഉമ്മന് ചാണ്ടി വ്യക്തമാക്കി. യുഡിഎഫ് നേതാവുമായി ബന്ധപ്പെട്ട് ഹൈക്കോടതി ഡിവിഷന് ബെഞ്ച് പുറപ്പെടുവിച്ച വിധിയില് ജസ്റ്റിസ് സിറിയക് ജോസഫിനെ കൂടാതെ ജസ്റ്റിസ് സുഭാഷന് റെഡ്ഢിയും ഉണ്ടായിരുന്നു. ഭരണഘടനാ സ്ഥാപനങ്ങളെ മോദി സര്ക്കാര് ദുര്ബലപ്പെടുത്തുന്ന അതേ മാതൃകയിലാണ് ലോകായുക്ത ഉള്പ്പെടെയുള്ള ഭരണഘടനാ സ്ഥാപനങ്ങളെ ഇടതുസര്ക്കാര് ദുര്ബലപ്പെടുത്തുന്നത്. അഴിമതിക്കെതിരേയുള്ള പോരാട്ടത്തെ ദുര്ബലപ്പെടുത്താന് ഇതു ഇടയാക്കുമെന്നും ഉമ്മന് ചാണ്ടി പറഞ്ഞു.
