ആലപ്പുഴ : ഓണത്തോടനുബന്ധിച്ചുള്ള തുടര്ച്ചയായ അവധി ദിനങ്ങളിൽ ബാങ്കുകളും മറ്റ് ധനകര്യസ്ഥാപനങ്ങളും കേന്ദ്രീകരിച്ച് മോഷണം നടക്കാൻ സാധ്യതയുള്ളതിനാൽ അത്തരം സ്ഥാപനങ്ങളിലെ സുരക്ഷ വര്ദ്ധിപ്പിക്കുന്നതിനു് സ്ഥാപന അധികാരികളുമായി സഹകരിച്ച് ആലപ്പുഴ ജില്ലാ പോലീസ് മേധാവിയുടെ നിർദേശാനുസരണം ഓപ്പറേഷൻ ബാറ്റ് ഹണ്ട് എന്നപേരിൽ ജില്ലയിൽ പ്രത്യേക സംവിധാനം ഇന്നു മുതൽ നിലവിൽ.
ധനകാര്യസ്ഥാപനങ്ങളിൽനിന്നും ലഭ്യമായ 6 വാഹനങ്ങളിലാണ് ജില്ലയിൽ ഉടനീളം ബാങ്കുകൾ, എ.റ്റി.എം മറ്റു ധനകാര്യ സ്ഥാപനങ്ങൾ കേന്ദ്രീകരിച്ച് പെട്രോളിങ്ങ് നടത്തുക. ഇതിലേക്കായി ലഭ്യമായ എല്ലാവാഹനങ്ങളിലും പോലീസ് ഉദ്യോഗസ്ഥരെ നിയോഗിച്ചിട്ടുണ്ട്. രാത്രിയിൽ സംശയാസ്പദമായ ആളുകളെയും വാഹനങ്ങളെയും നിരീക്ഷിക്കും. ഈ സംവിധാനം ഓണം നാളുകളിലെ അവധി തീരുന്നതുവരെ തുടരും.