കോട്ടുപാറ : കേരള മഹിളാ സമഖ്യ സൊസൈറ്റിയുടെ ആഭിമുഖ്യത്തിൽ എമ്പവർമെന്റ് പ്രോഗ്രാം സംഘടിപ്പിച്ചു. പെരുനാട് പഞ്ചായത്തിലെ കോട്ടുപാറ അംഗൻവാടിയിൽ വെച്ച് നടന്ന മീറ്റിംഗ് വാർഡ് മെമ്പർ ശ്രീ. അരുൺ അനിരുദ്ധൻ ഉദ്ഘാടനം ചെയ്തു. അങ്കണവാടി ടീച്ചർ അധ്യക്ഷത വഹിച്ചു. പെരുനാട് പഞ്ചായത്ത്‌ സേവിനി ശ്രീമതി രജനി. എസ് സ്വാഗതം പറഞ്ഞു. പത്തനംതിട്ട ജില്ലാ എക്സൈസ് ഓഫീസർ ശ്രീ.ബിനു വർഗീസ് ക്ലാസ്സ്‌ നയിച്ചു.
പ്രദേശത്തെ വീടുകളിൽ പലരും പല രീതിയിൽ ഉള്ള ബുദ്ധിമുട്ടുകൾ അനുഭവിക്കുന്നുണ്ടെങ്കിലും ആരും തന്നെ പുറത്ത് പറയുവാൻ തയാറാകുന്നില്ല എന്നതാണ് വാസ്തവം. അതു പിന്നീട് വലിയ ബുദ്ധിമുട്ടുകൾ നേരിടേണ്ടി വരുന്ന അവസ്ഥയിൽ എത്തിച്ചേരും എന്നും അങ്ങനെ ഉണ്ടാകാതിരിക്കണമെങ്കിൽ അറിയിക്കേണ്ട കാര്യങ്ങൾ കൃത്യ സമയത്ത് അറിയിക്കേണ്ടവരെ അറിയിക്കുക തന്നെ വേണം എന്നും മെമ്പർ പറഞ്ഞു.
പഴയ കാലങ്ങളിലെ കൂട്ട് കുടുംബ രീതിയും ഇപ്പോഴത്തെ കുടുംബ രീതിയും തമ്മിൽ വളരെ വ്യത്യാസം ഉണ്ടെന്നും മുൻപ് ഉണ്ടായിരുന്നത് പോലെ ഇപ്പോൾ പരസ്പരം കൊടുക്കൽ വാങ്ങലുകളോ സുഖ ദുഖങ്ങൾ പങ്കിടലുകളോ നടക്കുന്നില്ല എന്നും അതു കാരണം നമ്മുടെ മക്കൾ കൂടുതൽ അവരിലേക്ക് തന്നെ ഒതുങ്ങി കൂടുകയും ഒരു ചെറിയ വിഷമം ഉണ്ടായാൽ പോലും ആത്മഹത്യ ചെയ്യുന്നതിനെ കുറിച്ച് ആദ്യം ചിന്തിക്കുകയും ചെയ്യുന്നു. അങ്ങനെ പാടില്ല കുട്ടികളെ ഇല്ലായ്മയും ജയവും തോൽവിയും ഒരേപോലെ ഉൾക്കൊള്ളുവാൻ നമ്മൾ പഠിപ്പിക്കണമെന്നും അദ്ദേഹം ഓർമ്മിപ്പിച്ചു. തുടർന്ന് മീറ്റിങ്ങിൽ ഡേറ്റ എൻട്രി ഓപ്പറേറ്റർ ശ്രീമതി. ഷേർലി ഫിലിപ്പ് എല്ലാവർക്കും നന്ദി രേഖപ്പെടുത്തി.
