കൊച്ചി : ഒര്‍ത്തഡോക്‌സ് സഭയുടെ പള്ളികള്‍ ഉടന്‍ തുറക്കേണ്ടതില്ലെന്ന് സിനഡ് തീരുമാനം. കൊവിഡ് വ്യാപനം കണക്കിലെടുത്താണ് തീരുമാനം. ജൂണ്‍ 30ന് വീണ്ടും സിനഡ് ചേര്‍ന്ന് സ്ഥിതിഗതികള്‍ വിലയിരുത്തും. യാക്കോബായ സഭയുടെയും മലങ്കര കത്തോലിക്കാ സഭ മൂവാറ്റുപുഴ രൂപതയുടെയും പള്ളികള്‍ വിശ്വാസികള്‍ക്കായി തുറന്നു കൊടുത്തു. കൊച്ചി പോണേക്കരയില്‍ വരാപ്പുഴ അതിരൂപതയുടെ കീഴിലുള്ള സെന്റ് ഫ്രാന്‍സിസ് സേവ്യര്‍ പള്ളിയില്‍ തൊണ്ണൂറ് പേരാണ് കുര്‍ബാനയില്‍ പങ്കടുത്തത്. വടക്കന്‍ കേരളത്തിലും ക്രൈസ്തവ ദേവാലയങ്ങള്‍ തുറന്നു. പ്രാര്‍ത്ഥന ചടങ്ങുകള്‍ കഴിഞ്ഞ് വിശ്വാസികള്‍ മടങ്ങിയ ശേഷം പള്ളിയും പരിസരവും അണുവിമുക്തമാക്കി. ആള്‍ക്കൂട്ടം ഒഴിവാക്കണമെന്ന് നിര്‍ദേശിച്ചിട്ടുണ്ട് കര്‍ശനമായി പാലിക്കുന്നതിനു വേണ്ട നടപടികള്‍ തുറന്ന ദേവാലയങ്ങള്‍ സ്വീകരിച്ചുണ്ടെന്ന് അധികൃതര്‍ അറിയിച്ചു.
