പത്തനംതിട്ട : ബിജെപിക്ക് അനുകൂലമായ നിലപാട് നിയമസഭാ തെരഞ്ഞെടുപ്പില്‍ ഇല്ലെന്ന് ഓര്‍ത്തഡോക്‌സ് സഭ അറിയിച്ചു. സഭ നിയമസഭാ തെരഞ്ഞെടുപ്പില്‍ ഒരു മുന്നണിക്കോ പാര്‍ട്ടിക്കോ വോട്ട് ചെയ്യണമെന്ന് ആഹ്വാനം ചെയ്തിട്ടില്ലെന്നും അറിയിച്ചു. സഭാ വക്താവ് ഫാ.ജോണ്‍സ് എ.കോനാട്ട് ആണ് ഇക്കാര്യം അറിയിച്ചത്.
കൂടാതെ ആറന്മുളയിലെ ബിജെപി സ്ഥാനാര്‍ത്ഥി സഭാ നോമിനിയല്ലെന്നും അദ്ദേഹം പറഞ്ഞു. പാണക്കാട്ടെ
മെത്രാപ്പോലീത്തമാരുടെ സന്ദര്‍ശനത്തിന് രാഷ്ട്രീയ മാനമില്ലെന്നും പാണക്കാട് പോയത് സഭാ തര്‍ക്കത്തിലെ യാഥാര്‍ത്ഥ്യം ബോധിപ്പിക്കുന്നതിനാണെന്നും അദ്ദേഹം പറഞ്ഞു. വിശ്വാസികള്‍ക്ക് കോടതി വിധി പള്ളി തര്‍ക്കത്തില്‍ നടപ്പാക്കിയില്ലെന്ന പരിഭവം ഉണ്ടെന്നും ഫാ.ജോണ്‍സ് എ.കോനാട്ട് അറിയിച്ചു. ഇതുവരെ ബിജെപിക്ക് അനുകൂലമായ നിലപാട് സ്വീകരിച്ചിട്ടില്ലെന്നും അദ്ദേഹം പറഞ്ഞു.
