ചെങ്ങന്നൂർ : മലങ്കര ഓർത്തഡോക്സ് സഭ ചെങ്ങന്നൂർ ഭദ്രാസനത്തിന്റെ പ്രഥമ മെത്രാപ്പൊലീത്ത തോമസ് മാർ അത്താനാസിയോസിന്റെ ഓർമ്മപ്പെരുന്നാളിനോടനുബന്ധിച്ച് അദ്ദേഹം കബറടങ്ങിയിരിക്കുന്ന ഓതറ സെയ്ന്റ് ജോർജ് ദയറായിലേക്ക് ബഥേൽ അരമനയിൽനിന്നു പദയാത്ര നടത്തി. പദയാത്ര ഭദ്രാസന മെത്രാപ്പൊലീത്ത ഡോ. മാത്യൂസ് മാർ തീമോത്തിയോസ് ഉദ്ഘാടനം ചെയ്തു. ഭദ്രാസന സെക്രട്ടറി ഫാ.പി.കെ. കോശി, വൈദിക ട്രസ്റ്റി ഫാ.ഡോ. തോമസ് അമയിൽ, ഫാ. മാമ്മൻ തോമസ് കോർ എപ്പിസ്കോപ്പ, ഫാ. മത്തായി കുന്നിൽ, ഫാ. സെബി തോമസ്, ഫാ. എൽവിൻ തോമസ്,
ഫാ. ജോസഫ് കുര്യാക്കോസ്, ഫാ. ബിജു ടി. മാത്യു, ഫാ. ജിജോ കെ. ജോയി, ഫാ.ഡോ. എബ്രഹാം കോശി, ഫാ. ജിയോ എം. സോളമൻ, ഫാ. ഐപ്പ് പി. സാം, ഫാ. റിങ്കു ചെറിയാൻ, രാജൻ മത്തായി, സജി പട്ടരുമഠം, ബാബു അലക്സാണ്ടർ തുടങ്ങിയവർ പങ്കെടുത്തു. ഓതറ ദയറയിൽ നടന്ന യോഗത്തിൽ ഡോ. ജോസഫ് മാർ ദീവന്നാസിയോസ് മെത്രാപ്പൊലീത്ത അനുസ്മരണ പ്രസംഗം നടത്തി. ഡോ. മാത്യൂസ് മാർ തീമോത്തിയോസ്അധ്യക്ഷത വഹിച്ചു.
