മാരാമണ് : കോണ്ഗ്രസ്സ് സമഗ്ര മാറ്റത്തിന്റെ പാതയിലാണെന്നും ഈ മാറ്റം അടിസ്ഥാന തലത്തില് പാര്ട്ടിക്ക് ഉണര്വും ഉന്മേഷവും പ്രദാനം ചെയ്യുമെന്ന് രാഷ്ട്രീയ കാര്യസമതി അംഗം പ്രൊഫ. പി.ജെ. കുര്യന് പറഞ്ഞു. മാരാമണ് റിട്രീറ്റ് സെന്ററില് നടന്ന ഡി.സി.സി. നേതൃത്വ യോഗം ഉദ്ഘാടനം ചെയ്യുകയായിരുന്നു അദ്ദേഹം.
ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് അദ്ധ്യക്ഷത വഹിച്ചു. മുന് ഡി.സി.സി പ്രസിഡന്റ് ബാബു ജോര്ജ്ജ്, ഡി.സി.സി വൈസ് പ്രസിഡന്റ്മാരായ അഡ്വ. എ. സുരേഷ് കുമാര് , അഡ്വ. വെട്ടുര് ജ്യോതി പ്രസാദ്, സംസ്ഥാന റിസോഴ്സ് പേഴ്സണ് ശംഭുലാല് പി.കെ , ജില്ലാ കോ- ഓര്ഡിനേറ്റര് സലിം പി.ചാക്കോ , ഡി.സി.സി ജനറല് സെക്രട്ടറി ജെറി മാത്യു സാം എന്നിവര് പ്രസംഗിച്ചു.