കോന്നി : കേരളത്തിലെ മികച്ച പൊതു പ്രവർത്തകരിൽ ഒരാളും കോൺഗ്രസ് നേതാവും നിയമ സഭാ അംഗവും ആയിരുന്ന മുൻ എം എൽ എ പി ജെ തോമസിന് കോന്നി വിട നൽകി. രാവിലെ കോന്നി കോൺഗ്രസ് ഭവനിൽ പൊതു ദർശനത്തിനും വീട്ടിലെ ചടങ്ങുകൾക്കും ശേഷം വകയാർ സെന്റ് തോമസ് ഓർത്തഡോക്സ് വലിയ പള്ളിയിൽ ആയിരുന്നു സംസ്കാര ചടങ്ങുകൾ നടന്നത്. പ്രിയ നേതാവിനെ ഒരു നോക്ക് കാണുവാനും അന്തിമോപചാരം അർപ്പിക്കുന്നതിനുമായി സാമൂഹിക സാംസ്കാരിക രാഷ്ട്രീയ രംഗത്തെ നിരവധി പ്രമുഖരും ജന പ്രതിനിധികളും പള്ളിയിൽ എത്തിയിരുന്നു.
ആന്റോ ആന്റണി എം പി, അടൂർ പ്രകാശ് എം പി,ആരോഗ്യ മന്തി വീണ ജോർജ്, ജില്ലാ കളക്ടർ ദിവ്യ എസ് അയ്യർ, കെ യു ജനീഷ് കുമാർ എം എൽ എ, മുൻ റാന്നി എം എൽ എ രാജു എബ്രഹാം, പി മോഹൻരാജ്, ബാബു ജോർജ്ജ്, ജില്ലാ പഞ്ചായത്ത് അംഗം റോബിൻ പീറ്റർ, തൃതല പഞ്ചായത്ത് പ്രതിനിധികൾ തുടങ്ങിയവർ അന്തിമോപചാരം അർപ്പിക്കുവാൻ എത്തിയിരുന്നു. പള്ളിയിലെ ചടങ്ങുകൾക്ക് ശേഷം സംസ്ഥാന സർക്കാരിന്റെ ബഹുമതികളോടെ ആയിരുന്നു സംസ്കാരം നടന്നത്. രാഷ്ട്രീയ സാമൂഹിക രംഗത്തെ പ്രമുഖർ അദ്ദേഹത്തിന് അന്തിമോപചാരം അർപ്പിച്ച് സംസാരിച്ചു.
