മലപ്പുറം : മുസ്ലീം ലീഗിന്റെ പ്രവര്ത്തനങ്ങള് തുറന്ന പുസ്തകമാണെന്ന് പാര്ട്ടി ദേശീയ ജനറല് സെക്രട്ടറി പി.കെ കുഞ്ഞാലിക്കുട്ടി. മതത്തിന്റെ പേരില് രൂപികരിച്ച രാഷ്ട്രീയ പാര്ട്ടികളെ നിരോധിക്കണമെന്ന ഹര്ജിയില് സുപ്രീം കോടതി തെരഞ്ഞെടുപ്പ് കമ്മീഷനും കേന്ദ്ര സര്ക്കാരിനും നോട്ടീസയച്ച സംഭവത്തില് പ്രതികരിക്കുകയായിരുന്നു അദേഹം. മതേതരത്വം സംരക്ഷിക്കാന് വേണ്ടി നിലകൊണ്ട പാര്ട്ടിയാണ് ലീഗെന്നും അദേഹം അവകാശപ്പെട്ടു.
പേരിലോ ചിഹ്നത്തിലോ സമുദായച്ചുവയുള്ള രാഷ്ട്രീയ പാര്ട്ടികളെ നിരോധിക്കണമെന്ന റിട്ട് ഹര്ജിയിലാണ് സുപ്രീം കോടതി നോട്ടീസ് അയച്ചത്. കേന്ദ്ര സര്ക്കാരിനും കേന്ദ്ര തെരഞ്ഞെടുപ്പ് കമ്മീഷനുമാണ് നോട്ടീസ് അയച്ചത്. ഒക്ടോബര് 18നകം മറുപടി സത്യവാങ്മൂലം ഫയല് ചെയ്യാനാണ് സുപ്രീം കോടതി നിര്ദേശം.