പത്തനംതിട്ട : ലോക്ക്ഡൗണ് കാലത്ത് ഭക്ഷ്യ വസ്തുക്കള്ക്ക് അമിതവില ഈടാക്കുന്നുണ്ടോ എന്നും ഭക്ഷ്യ വസ്തുക്കളുടെ അളവ് -തൂക്കം, ഗുണമേന്മ എന്നിവ ഉറപ്പാക്കുന്നുണ്ടോ എന്നും പരിശോധിക്കുന്നതിന് ജില്ലാ കളക്ടറുടെ നിര്ദ്ദേശാനുസരണം കോഴഞ്ചേരി താലൂക്കിലെ വിവിധ കടകളില് പരിശോധന നടത്തി. കോഴഞ്ചേരി തഹസില്ദാര് കെ. ഓമനക്കുട്ടന്, ബി.ബാബുലാല് എന്നിവരുടെ നേതൃത്വത്തില് റവന്യൂ, പോലീസ്, ഭക്ഷ്യപൊതുവിതരണം, ലീഗല് മെട്രോളജി, ആരോഗ്യം, ഭക്ഷ്യസുരക്ഷാ വിഭാഗങ്ങള് ചേര്ന്നാണ് പരിശോധന നടത്തിയത്. കുപ്പിവെളളത്തിന് അമിത വില ഈടാക്കിയതിന് പത്തനംതിട്ട അരുണ് കൂള്ബാര് ആന്ഡ് സ്റ്റേഷനറി, പത്തനംതിട്ട ചരിവുകാലായില് ബേക്കറി എന്നീ സ്ഥാപനങ്ങളില് നിന്നും 5000 രൂപ വീതവും ത്രാസില് സീല് ഇല്ലാത്തതിന് പത്തനംതിട്ട ചോയിസ് ബേക്കറിയില് നിന്നും 2000 രൂപയും ഉള്പ്പെടെ 12000 രൂപ പിഴ ഈടാക്കി.
