കണ്ണൂര് : പത്മജ വേണുഗോപാലിന്റെ ബി.ജെ.പി പ്രവേശനത്തില് ദൂതനായി പ്രവര്ത്തിച്ചത് ലോക്നാഥ് ബെഹ്റയാണെന്ന് കെ.പി.സി.സി പ്രസിഡന്റ് കെ.സുധാകരന്. ലോക്നാഥ് ബെഹ്റ വീട്ടിൽ പോയി സംസാരിച്ചതിന് തെളിവുണ്ടെന്ന് കെ. സുധാകരൻ മീഡിയവണിനോട് പറഞ്ഞു. ലോക്നാഥ് ബെഹ്റ വീട്ടിൽ പോയി സംസാരിച്ചതിന്റെ ചിത്രങ്ങൾ പാർട്ടിയുടെ കയ്യിലുണ്ട്.
ബെഹ്റ ദൂതനായത് സി.പി.എമ്മിന് വേണ്ടിയാണ്. സി.പി.എമ്മുമായും ബി.ജെ.പിയുമായും ബന്ധം പുലർത്തുന്ന ആളാണ് ബെഹ്റയെന്നും സുധാകരൻ ആരോപണം ഉയർത്തുന്നു. പത്മജ പോയത് യുഡിഎഫിന് ചെറിയ പ്രയാസം പോലും ഉണ്ടാക്കില്ല. വടകരയെക്കാൾ കെ മുരളീധരന്റെ സ്ഥാനാർഥിത്വം പ്രയോജനപ്പെടുത്താൻ കഴിയുക തൃശ്ശൂരിലാണെന്നും കെ. സുധാകരൻ വ്യക്തമാക്കി.
