ഡല്ഹി : ഇന്ത്യന് മത്സ്യബന്ധന ബോട്ടുകള്ക്ക് നേരെ ആക്രമണം നടത്തിയ പാകിസ്ഥാന്റെ നടപടിയില് ശക്തമായി പ്രതികരിച്ച് കേന്ദ്ര വിദേശകാര്യ മന്ത്രാലയം. മത്സ്യബന്ധന ബോട്ടുകള്ക്ക് നേരെ വെടിവെപ്പ് നടത്തിയ പാകിസ്ഥാന് മാരിടൈം സെക്യൂരിറ്റി ഏജന്സി (പി.എം.എസ്.എ) യുടെ നടപടിയില് അപലപിക്കുന്നു.
പി.എം.എസ്.എ നടപടി ദൗര്ഭാഗ്യകരമാണ്. മോശം പ്രവൃത്തിയില് നിന്ന് പാക് അധികൃതര് പിന്മാറണമെന്നും ഇന്ത്യ ആവശ്യപ്പെട്ടു. ഏപ്രില് 12നാണ് ഇന്ത്യന് മത്സ്യബന്ധന ബോട്ടുകള്ക്കും തൊഴിലാളികള്ക്കും നേരെ പാകിസ്ഥാന് മാരിടൈം സെക്യൂരിറ്റി ഏജന്സി വെടിവെപ്പ് നടത്തിയത്. ഓംകാര്, മഹാസാഗര് എന്നീ ബോട്ടുകള്ക്ക് നേരെയായിരുന്നു ആക്രമണം. വെടിവെപ്പില് ഒരു മത്സ്യത്തൊഴിലാളിക്ക് പരിക്കേറ്റിരുന്നു.
