പാലക്കാട്: കല്മണ്ഡപത്ത് വീട്ടമ്മയെ കെട്ടിയിട്ട് 57 പവന് സ്വര്ണ്ണാഭരണങ്ങളും ഒന്നരലക്ഷം രൂപയും കവര്ന്ന സംഭവത്തില് 4 പേര് പിടിയില്. പാലക്കാട് സ്വദേശികളായ സുരേഷ്, വിജയകുമാര്, റോബിന്, പ്രദീപ് എന്നിവരാണ് കസബ പോലീസിന്റെ പിടിയിലായത്. .സിസിടിവി ദൃശ്യങ്ങള് കേന്ദ്രീകരിച്ച് നടത്തിയ അന്വേഷണത്തിലാണ് മൂന്ന് പ്രതികളെക്കുറിച്ചും അന്വേഷണസംഘത്തിന് വിവരം ലഭിച്ചത്. കവര്ച്ച ചെയ്ത സ്വര്ണ്ണം 18,55,000/ രൂപയ്ക്ക് കോയമ്പത്തൂരിലുളള സേട്ടുവിന് വിറ്റതായി പ്രതികള് സമ്മതിച്ചിട്ടുണ്ട്.
കല്മണ്ഡപം പ്രതിഭാനഗറില് അന്സാരിയുടെ ഭാര്യ ഷെഫീനയാണ് ആക്രമണത്തിനിരയായത്. തിങ്കളാഴ്ച രാവിലെ 10.45നാണ് ചാരിറ്റബിള് ട്രസ്റ്റിന്റെ പേര് പറഞ്ഞ് മൂന്ന് പേര് പ്രതിഭാനഗര് സെക്കന്റ് സ്ട്രീറ്റിലെ എംഎം അന്സാരിയുടെ വീട്ടിലെത്തുന്നത്. അന്സാരിയുടെ ഭാര്യ ഷെഫീനയോട് വെളളം ആവശ്യപ്പെട്ട സംഘം വീടിനകത്തേക്ക് കയറി ഷെഫീനയെ ആക്രമിക്കുകയായിരുന്നു. മുഖം മറച്ചെത്തിയ സംഘം ഓട്ടോയിലാണ് വീട്ടിലെത്തിയത്. കവര്ച്ചക്ക് ശേഷം വീട്ടില് നിര്ത്തിയിട്ടിരുന്ന ബൈക്കിലാണ് സ്ഥലം വിട്ടത്.
