പാലക്കാട്ടെ ദമ്പതികള്‍ മരിച്ച സംഭവം കൊലപാതകം ; മകന്‍ ഒളിവില്‍

പാലക്കാട് : പാലക്കാട്ടെ ദമ്പതികള്‍ മരിച്ച സംഭവം. കൊലപാതകമെന്ന് തെളിഞ്ഞു. പുതുപ്പരിയാരും ഓട്ടൂര്‍ക്കാട് മയൂരം വീട്ടില്‍ ചന്ദ്രന്‍, ദേവി എന്നിവരാണ് മരിച്ചത്. മൃതദേഹങ്ങള്‍ രക്തത്തില്‍ കുളിച്ച നിലയിലായിരുന്നു കണ്ടെത്തിയത്. ചന്ദ്രന്റെ മൃതദേഹം ലിവിംഗ് റൂമിലും ദേവിയുടേത് കിടപ്പുമുറിയിലുമാണ് കണ്ടെത്തിയത്‌. അതെസമയം മകന്‍ സനലിനെ കേന്ദ്രീകരിച്ചാണ് അന്വേഷണം നടത്തുന്നത്. ഇന്നലെ രാത്രി ഒന്‍പത് വരെ സനല്‍ വീട്ടിലുണ്ടായിരുന്നു. എന്നാല്‍ ഇപ്പോള്‍ സനല്‍ വീട്ടിലില്ല. ഇയാളുടെ ഫോണ്‍ സ്വിച്ച് ഓഫ് ചെയ്ത നിലയിലാണ്.