ദില്ലി: ആധാര്-പാന് ലിങ്ക് ചെയ്യുന്നതിനുള്ള അവസാന തീയതി ജൂണ് 30 ന് അവസാനിക്കും. മുമ്പ് 2023 മാര്ച്ച് 31 ആയിരുന്നു പാന് – ആധാര് കാര്ഡ് ലിങ്കിംഗിന് നല്കിയിരുന്ന അവസാന ദിവസം. എന്നാല് ജൂണ് 30 വരെ ദിവസം നീട്ടി നല്കുകയായിരുന്നു. ജൂലൈ 1 ന് ശേഷം ആധാറുമായി ബന്ധിപ്പിക്കാത്ത എല്ലാ പാന് കാര്ഡുകളും പ്രവര്ത്തന രഹിതമാകുമെന്ന് സെന്ട്രല് ബോര്ഡ് ഓഫ് ഡയറക്ട് ടാക്സസ് പൊതുജന ശ്രദ്ധക്കായി ഉത്തരവിറക്കിയിരിക്കുന്നു.
ആധാര് കാര്ഡുമായി പാന് ലിങ്ക് ചെയ്യാന് വൈകിയതിന് പിഴയും അടയ്ക്കണം. 2023 മാര്ച്ച് 31ന് മുമ്പ് പാന്-ആധാര് കാര്ഡ് ലിങ്ക് ചെയ്യുന്നത് സൗജന്യമായിരുന്നു. അതിന് ശേഷം 1000 രൂപയാണ് പിഴ അടയ്ക്കേണ്ടി വരുന്നത്. പിഴ 2023 ജൂണ് 30നകം ചെയ്തില്ലെങ്കില് ഇത് പ്രവര്ത്തനരഹിതമാകും.
