റാന്നി: പുതിയ കേരളം മോദിക്കൊപ്പം എന്ന മുദ്രാവാക്യം ഉയർത്തി എൻ.ഡി.എ നേതാക്കളുടെ പഞ്ചായത്ത് ഏരിയാ പര്യടനം വെച്ചൂച്ചിറയിൽ നടന്നു. ബിജെപി സംസ്ഥാന വൈസ് പ്രസിഡന്റ് ഡോ. ജെ പ്രമീളാദേവിയുടെ നേതൃത്വത്തിൽ രാവിലെ 10 മണി മുതൽ വെച്ചൂച്ചിറ ഏരിയയിലെ വെച്ചൂച്ചിറ, കുന്നം, വെൺകുറഞ്ഞി, കൂത്താട്ടുകുളം, പരുവ, മണ്ണടിശാല തുടങ്ങിയ സ്ഥലങ്ങളിൽ പൗര പ്രമുഖരെയും സമുദായ നേതാക്കളെയും സന്ദർശിച്ചു. തുടർന്ന് വെച്ചൂച്ചിറ ഏരിയാ കമ്മിറ്റിയുടെ സമ്പൂർണ യോഗം വൈകിട്ട് 4 മണിക്ക് ബിജെപി വെച്ചൂച്ചിറ പഞ്ചായത്ത് പ്രസിഡന്റ് ഏ.ആർ. രാജഗോപാലിൻ്റ അധ്യക്ഷതയിൽ നടന്നു.
യോഗം സംസ്ഥാന വൈസ് പ്രസിഡൻ്റ് ജെ.പ്രമീളാദേവി ഉത്ഘാടനം ചെയ്തു. ബിജെപി ജില്ലാ സെക്രട്ടറി ബിന്ദു പ്രകാശ്, ഗ്രാമ പഞ്ചായത്തംഗം രാജി വിജയകുമാർ, കർഷക മോർച്ച ജില്ലാ കമ്മിറ്റിയംഗം ജോസ് പുത്തേട്ട്, ഒ ബി സി. മോർച്ച ജില്ലാ ജനറൽ സെക്രട്ടറി ലിജികുമാർ, പഞ്ചായത്ത് ജനറൽ സെക്രട്ടറി മധുസൂദനൻ, പഞ്ചായത്ത് വൈസ് പ്രസിഡന്റ് ശ്രീകാന്ത് എം.ജി, പഞ്ചായത്ത് സെക്രട്ടറി എൻ.എസ്. രാജൻ, എസ് സി. മോർച്ച മണ്ഡലം വൈസ് പ്രസിഡന്റ് വി.എം ശശി, മണ്ഡലം കമ്മിറ്റിയംഗം ജയൻ അമ്പാട്ട് തുടങ്ങിയവർ സംസാരിച്ചു. മണ്ഡലം പ്രസിഡന്റ് സന്തോഷ് കുമാർ, മണ്ഡലം ജനറൽ സെക്രട്ടറി അരുൺ അനിരുദ്ധൻ എന്നിവർ പ്രമീളാദേവിയോടൊപ്പം ഉണ്ടായിരുന്നു.