വീട്ടുജോലിക്കാരിയെ മാനഭംഗപ്പെടുത്താന്‍ ശ്രമിച്ച ദന്തഡോക്ടര്‍ അറസ്റ്റില്‍

പന്തളം : വീട്ടുജോലിക്കാരിയെ മാനഭംഗപ്പെടുത്താന്‍ ശ്രമിച്ചതിനു ദന്തഡോക്ടറെ പന്തളം പോലീസ് അറസ്റ്റു ചെയ്തു. പന്തളം മങ്ങാരം യക്ഷിവിളക്കാവിനു സമീപം പഞ്ചവടിയില്‍ ഡോ. അനില്‍ .ജി(48) ആണ് പോലീസ് പിടിയിലായത്. ഞായറാഴ്ച സന്ധ്യ കഴിഞ്ഞാണു സംഭവം. ഒരാഴ്ച മുമ്പ് ഇയാളുടെ വീട്ടില്‍ ജോലിക്കെത്തിയ സ്ത്രീയെയാണ് ഇയാല്‍ കടന്നുപിടിച്ചത്. സ്ത്രീയുടെ ബഹളം കേട്ട് അയല്‍വാസികള്‍ പന്തളം സ്റ്റേഷനില്‍ വിവരം അറിയിക്കുകയായിരുന്നു. പന്തളം എസ്എച്ച്ഒ എസ് ശ്രീകുമാറിന്റെ നേതൃത്വത്തില്‍ എസ്ഐ സുനില്‍ കുമാറും സംഘവുമാണ് സ്ഥലത്തെത്തി ഇയാളെ അറസ്റ്റു ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.