പന്തളം : പന്തളം മുണ്ടക്കൽ കൊട്ടാരത്തിൽ രാമവർമ്മ രാജ ഇന്ന് രാവിലെ അന്തരിച്ചു. പരേതനായ പൈനാട് രാമൻ നമ്പൂതിരിയുടെയും പന്തളം മുണ്ടക്കൽ കൊട്ടാരത്തിൽ പരേതയായ ഉത്രം നാൾ അംബ തമ്പുരാട്ടിയുടെയും മകനാണ്. തിരുവല്ല ട്രാകോ കേബിളിലെ റിട്ടയേര്‍ഡ് ഫിനാന്‍സ് മാനേജര്‍ ആണ്. 1981 ൽ രാജപ്രതിനിധിയായി ശബരിമല യാത്ര ചെയ്തിട്ടുണ്ട്.
തൃപ്പൂണിത്തുറ ഈശ്വരസേവ പാലസിൽ ഭദ്രമണി തമ്പുരാൻ ആണ് ഭാര്യ. മക്കൾ – കലാ വർമ്മ, പ്രീത വർമ്മ, പ്രിയ വർമ്മ, പ്രവീൺ വർമ്മ. മരുമക്കൾ – ജയൻ വർമ്മ, രാമ വർമ്മ , സുരേഷ് വർമ്മ, ഗോപിക വർമ്മ. സംസ്‌കാര ചടങ്ങുകൾ തൃപ്പൂണിത്തുറ രാജകുടുംബം വക ശ്മശാനത്തിൽ ഇന്ന് വൈകിട്ട് മൂന്നു മണിക്ക് നടക്കും. പന്തളം വലിയ കോയിക്കൽ ധർമ്മ ശാസ്താ ക്ഷേത്രം അശുദ്ധി മൂലം ഇന്ന് അടച്ച് മെയ് 26 ന് തുറക്കും.
