മുംബൈ : എന്സിപി നേതാവ് ശരദ് പവാറിനെ അവഹേളിച്ചെന്ന പരാതിയെ തുടര്ന്ന് മറാത്തി നടി കേതകി ചിതാലയെ പോലീസ് അറസ്റ്റ് ചെയ്തു. സമൂഹമാധ്യമങ്ങളിലൂടെ ശരദ് പവാറിനെ അപകീര്ത്തിപ്പെടുത്താന് കുറിപ്പ് പങ്കുവെച്ചുവെന്നാണ് എന്സിപി പ്രവര്ത്തകര് നല്കിയ പരാതി. താനെ പോലീസ് ആണ് താരത്തെ കസ്റ്റഡിയിലെടുത്തത്. എന്നാല് മറ്റൊരാള് എഴുതിയ പോസ്റ്റ് പങ്കുവയ്ക്കുകയാണ് നടി ചെയ്തത്. നിതിന് ഭാവെ എന്ന അഭിഭാഷകനാണ് ഈ കുറിപ്പ് എഴുതിയത്. മറാഠിയിലാണ് വിവാദമായ പോസ്റ്റ് കുറിച്ചിരിക്കുന്നത്.
ഇതില് എന്സിപി നേതാവ് ശരദ് പവാറിനെയോ അദേഹത്തിന്റെ പേരോ നേരിട്ട് പറയുന്നില്ല. എന്നാല് പ്രായം 80 എന്നുള്ളതും പവാര് എന്നും പോസ്റ്റില് സൂചിപ്പിച്ചിട്ടുണ്ട്. നിങ്ങളെ നരകം കാത്തിരിക്കുന്നുവെന്ന് പോസ്റ്റില് പറയുന്നു. ശിവസേനയും എന്സിപിയും തമ്മിലുള്ള ശത്രുത നടിയുടെ പോസ്റ്റ് മൂലം വര്ധിക്കാന് സാധ്യതയുണ്ടെന്നും സ്വപ്നില് നെട്ക എന്ന എന്സിപി പ്രവര്ത്തകന് നല്കിയ പരാതിയില് പറയുന്നു.
