പന്തളം : പന്തളം ഉപജില്ലാ സ്കൂൾ ശാസ്ത്രോത്സവം (ശാസ്ത്ര, ഗണിതശാസ്ത്ര, സാമൂഹ്യ ശാസ്ത്ര, പ്രവൃത്തി പരിചയ, ഐ.ടി മേള) തോട്ടക്കോണം ഗവ.ഹയർ സെക്കണ്ടറി സ്കൂൾ, തോട്ടക്കോണം ഗവ.എൽ പി സ്കൂൾ എന്നിവിടങ്ങളിൽ തുടങ്ങി. പന്തളം ഉപജില്ലയിലെ 39 സ്കൂളുകളിലെ വിദ്യാർത്ഥി പ്രതിഭകളാണ് ശാസ്ത്രോത്സവത്തിൽ പങ്കെടുക്കുന്നത്. ശാസ്ത്രോത്സവത്തിൻ്റെ ഉദ്ഘാടനം പന്തളം ബ്ലോക്ക് പഞ്ചായത്ത് പ്രസിഡണ്ട് ബി എസ് അനീഷ് മോൻ നിർവ്വഹിച്ചു. തുമ്പമൺ ഗ്രാമ പഞ്ചായത്ത് പ്രസിഡണ്ട് റോണി സഖറിയ അദ്ധ്യക്ഷത വഹിച്ചു. പന്തളം തെക്കേക്കര ഗ്രാമ പഞ്ചായത്ത് പ്രസിഡണ്ട് എസ് രാജേന്ദ്ര പ്രസാദ് മുഖ്യാതിഥി ആയിരുന്നു.
പന്തളം നഗരസഭ വിദ്യാഭ്യാസ സ്ഥിരം സമിതി അദ്ധ്യക്ഷ സൗമ്യ സന്തോഷ് ശാസ്ത്രോത്സവ ലോഗോ പ്രകാശനം ചെയ്തു. ലോഗോ തയ്യാറാക്കിയ പന്തളം എൻ.എസ് എസ് ഗേൾസ് ഹെെസ്ക്കൂൾ വിദ്യാർത്ഥിനി എച്ച് ഗൗരികൃഷ്ണക്ക് പന്തളം നഗരസഭ വികസനകാര്യ സ്ഥിരം സമിതി അദ്ധ്യക്ഷൻ ബെന്നി മാത്യൂ ഉപഹാരം നല്കി. പന്തളം നഗരസഭ കൗൺസിലർ കെ ആർ വിജയകുമാർ, പന്തളം എ ഇ ഒ സി വി സജീവ്,
തോട്ടക്കോണം ജി എച്ച് എസ് എസ് പി ടി എ പ്രസിഡണ്ട് കെ എച്ച് ഷിജു, എസ് എം സി ചെയർമാൻ ജി അനൂപ് കുമാർ, സ്കൂൾ പ്രൻസിപ്പാൾ എൻ ഗിരിജ, പ്രഥമാധ്യാപകൻ പി ഉദയൻ, എച്ച് എം ഫോറം സെക്രട്ടറി സി സുദർശനപിള്ള, ജി എൽ പി എസ് പ്രഥമാധ്യാപിക ജി അശ്വതി, പി ടി എ പ്രസിഡണ്ട് ശ്രീജ ശ്യം എന്നിവർ സംസാരിച്ചു.
