കണ്ണൂര് : പാലത്തായി പീഡന കേസിലെ പ്രതി ബിജെപി നേതാവ് പത്മരാജന് പിടിയിലായി. പാനൂര് പൊയിലൂരിലെ ബിജെപി കേന്ദ്രത്തില് നിന്നാണ് ഇയാളെ തലശേരി ഡി.വൈ.എസ്.പിയുടെ നേത്രുത്വത്തില് പിടികൂടിയത്.
പാലത്തായിയിലെ സ്കൂളില് അധ്യാപകനായ ഇയാള് നാലാം ക്ലാസ് വിദ്യാര്ഥിനിയെ പീഡിപ്പിച്ചുവെന്നാണ് പരാതി. ബിജെപി അധ്യാപക സംഘടന നേതാവുകൂടിയാണ് പ്രതിയായ പത്മരാജന്. ഇയാളെ അറസ്റ്റ് ചെയ്യാത്തതില് വന് പ്രതിഷേധം ഉയര്ന്നിരുന്നു. യുത്ത് കോണ്ഗ്രസിന്റെ നേതൃത്വത്തില് പ്രതിഷേധമാര്ച്ച് ഇന്ന് കണ്ണൂര് എസ്.പി ഓഫീസിലേക്ക് നടന്നിരുന്നു. മാര്ച്ചില് പങ്കെടുത്തവരെ അറസ്റ്റ് ചെയ്ത് സ്റ്റേഷനില് കൊണ്ടുവന്നെങ്കിലും സമരക്കാര് പിരിഞ്ഞുപോയില്ല. പോലീസ് സ്റ്റേഷനില് നിരാഹാര സമരം നടത്തുകയായിരുന്നു. പ്രതിയെ അറസ്റ്റ് ചെയ്യാതെ സമരത്തില് നിന്നും പിന്നോട്ട് പോകില്ലെന്നും യുത്ത് കോണ്ഗ്രസ് നേതാക്കള് പറഞ്ഞിരുന്നു.
