പത്തനംതിട്ട : ശ്രീനാരായണ ധർമ്മസേവാ സംഘം ട്രസ്റ്റിന്റെ നേതൃത്വത്തിൽ രണ്ടാമത് പാറയ്ക്കൽ തീർത്ഥാടനവും ഗുരുദേവന്റെ പാറയ്ക്കൽ സന്ദർശനത്തിന്റെ 110-ാമത് വാർഷികവും 17 മുതൽ 21വരെ നടക്കും. 17ന് രാവിലെ 10.30ന് രണ്ടാമത് തീർത്ഥാടന സമ്മേളനം എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ ഉദ്ഘാടനം ചെയ്യും. എസ്.എൻ.ഡി.പി യോഗം ചെങ്ങന്നൂർ യൂണിയൻ അഡ്മിനിസ്ട്രേറ്റർ സുരേഷ് പരമേശ്വരൻ അദ്ധ്യക്ഷത വഹിക്കും. നവീകരിച്ച പുണ്യതീർത്ഥ മണ്ഡപത്തിലും ആൽത്തറയിലും എസ്.എൻ ട്രസ്റ്റ് ബോർഡ് അംഗം പ്രീതി നടേശൻ ഭദ്രദീപം തെളിക്കും. എസ്.എൻ.ഡി.പി യോഗം മാന്നാർ യൂണിയൻ ചെയർമാൻ ഹരിലാൽ, കൺവീനർ അനിൽ പി.ശ്രീരംഗം, പന്തളം യൂണിയൻ സെക്രട്ടറി ഡോ.എ.വി.ആനന്ദരാജ്, കോഴഞ്ചേരി യൂണിയൻ പ്രസിഡന്റ് മോഹൻ ബാബു, ചേപ്പാട് യൂണിയൻ പ്രസിഡന്റ് സലീംകുമാർ, തിരുവല്ല യൂണിയൻ സെക്രട്ടറി അനിൽ.എസ്.ഉഴത്തിൽ, പത്തനംതിട്ട യൂണിയൻ സെക്രട്ടറി ഡി.അനിൽ കുമാർ എന്നിവർ പ്രസംഗിക്കും. ശ്രീനാരായണ ധർമ്മസേവാ സംഘം ട്രസ്റ്റ് പ്രസിഡന്റ് കെ.എൻ.ഭദ്രൻ സ്വാഗതവും എസ്.എൻ.ഡി.പി യോഗം പാറയ്ക്കൽ ശാഖാ പ്രസിഡന്റ് ശ്രീകുമാരി നന്ദിയും പറയും.
വൈകിട്ട് മൂന്നിന് ആരംഭിക്കുന്ന തീർത്ഥാടന സമ്മേളനം കേന്ദ്ര മന്ത്രി ജോർജ്ജ് കുര്യൻ ഉദ്ഘാടനം ചെയ്യും. കോട്ടയം ഗുരുനാരായണ സേവാനികേതൻ ആചാര്യൻ കെ.എൻ.ബാലാജി അദ്ധ്യക്ഷത വഹിക്കും. ചക്കുളത്തുകാവ് ഭഗവതീക്ഷേത്രം ട്രസ്റ്റ് മുഖ്യകാര്യദർശി രാധാകൃഷ്ണൻ നമ്പൂതിരി അനുഗ്രഹ പ്രഭാഷണം നടത്തും. എ.പി.ജെ.അബ്ദുൾകലാം ഫൗണ്ടേഷൻ മാനേജിംഗ് ട്രസ്റ്റി കെ.എച്ച് ഷാജഹാൻ റാവുത്തർ, എസ്.എൻ ട്രസ്റ്റ് ബോർഡ് അംഗം നടരാജൻ എന്നിവർ പ്രസംഗിക്കും. പാറയ്ക്കൽ എസ്.എൻ.ഡി.എസ് ട്രസ്റ്റ് പ്രസിഡന്റ് കെ.എൻ.ഭദ്രൻ സ്വാഗതവും എസ്.എൻ.ഡി.പിയോഗം പാറയ്ക്കൽ ശാഖാ സെക്രട്ടറി എൻ.മോഹനൻ നന്ദിയും പറയും. വൈകിട്ട് 4ന് നിമിഷാ ബിജിലാഷ് പ്രഭാഷണം നടത്തും. 5ന് ഗുരുനാരായണ ഭജനാമൃതം. രാത്രി 8ന് സംഗീത സംഗമം എന്നിവ നടക്കും. തുടർന്നുള്ള ദിവസങ്ങളിൽ വിവിധ സമ്മേളനങ്ങൾ നടക്കും.
