കൊച്ചി : രണ്ടില ചിഹ്നം ജോസ് കെ.മാണിക്കെന്ന് ഹൈക്കോടതി ഡിവിഷന് ബെഞ്ച്. സിംഗിള് ബെഞ്ച് വിധിക്കെതിരേ പി.ജെ ജോസഫ് നല്കിയ അപ്പീല് തള്ളി. രണ്ടില ചിഹ്നം ജോസ് വിഭാഗത്തിന് അനുവദിച്ച തെരഞ്ഞെടുപ്പ് കമ്മിഷന് ഉത്തരവ് കോടതി ശരിവെച്ചു.
നേരത്തെ പി.ജെ ജോസഫിന്റെ ഹര്ജി സിംഗിള് ബെഞ്ച് തള്ളിയിരുന്നു. ഈ ഉത്തരവിനെതിരെ പിജെ ജോസഫ് നല്കിയ അപ്പീലിലാണ് ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ച് ഇന്ന് വിധി പറഞ്ഞത്. സംസ്ഥാന സമിതി അംഗങ്ങളുടെ എണ്ണം ശരിയായി പരിശോധിക്കാതെയാണ് തെരഞ്ഞെടുപ്പ് കമ്മീഷന് ജോസ് കെ മാണി വിഭാഗത്തിന് രണ്ടില ചിഹ്നം അനുവദിച്ചത് എന്നായിരുന്നു പി.ജെ ജോസഫിന്റെ പ്രധാന വാദം. അധികാര പരിധിക്ക് അപ്പുറം കടന്നാണ് കേരള കോണ്ഗ്രസ് വിഷയത്തില് തെരഞ്ഞെടുപ്പ് കമ്മീഷന് തീരുമാനം എടുത്തതെന്നും ജോസഫ് പക്ഷം വാദിച്ചിരുന്നു.
