പരുമല : ക്ലിനിക്കൽ റേഡിയോളജി, ന്യൂറോളജി വിഭാഗത്തിന്റെ സംയുക്താഭിമുഖ്യത്തിൽ പരുമല സ്ട്രോക്ക് കോൺക്ലേവ് 2024 നടത്തപ്പെട്ടു. പരുമല ആശുപത്രി സിഇഓ ഫാദർ എം സി പൗലോസ് അധ്യക്ഷത വഹിച്ച യോഗത്തിൽ യു.കെയിലെ യൂണിവേഴ്സിറ്റി ഓഫ് പോർട്ട്സ് മൗത്തിൽ ന്യൂറോ റേഡിയോളജിസ്റ്റായി പ്രവർത്തിക്കുന്ന ഡോ. ആദിഷ് തൽവാദ്കർ ഉദ്ഘാടനം ചെയ്തു. റേഡിയോളജി വിഭാഗം മേധാവി ഡോ. അനിരുദ്ധ് നായർ, എൻഡോക്രൈനോളജിസ്റ്റ് ഡോ. നന്ദിനി പ്രസാദ്, പതോളജിസ്റ്റ് ഡോ. ലിൻൻ്റാ തമ്പി എന്നിവർ പ്രസംഗിച്ചു.
തുടർന്ന് സ്ട്രോക്കുമായി ബന്ധപ്പെട്ട് നടന്ന പാനൽ ചർച്ചയിൽ ന്യൂറോ റേഡിയോളജിസ്റ്റ് ഡോ. ആദിഷ് തൽവാദ്കർ, കോട്ടയം മെഡിക്കൽ കോളേജ് കൺസൾട്ടന്റ് ന്യൂറോ വാസ്കുലർ ഇൻറർവെൻഷണൽ റേഡിയോളജിസ്റ്റ് ഡോ. അശ്വിൻ പത്മനാഭൻ, ന്യൂറോളജി വിഭാഗം കൺസൾട്ടന്റുമാരായ ഡോ. അനീഷ് നൈനാൻ, ഡോ. അഷീബ് അബ്ദുൽ ഹഖ്, ഡോ. ലിബി പുഷ്പരാജൻ എന്നിവർ പങ്കെടുക്കുകയും പ്രേക്ഷരുടെ സംശയങ്ങൾക്ക് ഉത്തരം നൽകുകയും ചെയ്തു. പരുമല ഓങ്കോളജി വിഭാഗം കൺസൾട്ടന്റ് ഡോ. അഞ്ചു അന്ന അബ്രഹാം മോഡറേറ്റർ ആയിരുന്നു.
