സോള്: വിമാനത്തിന്റെ എമര്ജന്സി എക്സിറ്റ് തുറന്ന് യാത്രക്കാരന്. വിമാനം ലാന്ഡ് ചെയ്യാന് തയാറെടുക്കുന്നതിനിടെയാണ് യാത്രക്കാരന് എമര്ജന്സി എക്സിറ്റ് തുറന്നത്. ഏഷ്യാന എയര്ലൈന്സ് വിമാനത്തിലാണ് സംഭവം. വിമാനം സുരക്ഷിതമായി ലാന്ഡ് ചെയ്തെങ്കിലും നിരവധി പേരെ ആശുപത്രിയില് പ്രവേശിപ്പിച്ചതായി എ എഫ് പി റിപ്പോര്ട്ട് ചെയ്തു. വിമാനത്തില് ഏകദേശം 200 യാത്രക്കാരാണ് ഉണ്ടായിരുന്നത്. അപ്രതീക്ഷിതമായി വാതില് തുറന്നത് ചില യാത്രക്കാര്ക്ക് ശ്വാസതടസമുണ്ടാക്കി.
ഇതോടെ ലാന്ഡിംഗിന് ശേഷം ചില യാത്രക്കാരെ ആശുപത്രിയിലേക്ക് കൊണ്ടുപോകേണ്ടി വന്നു. അതേസമയം, വലിയ പരിക്കുകളോ നാശനഷ്ടങ്ങളോ ഉണ്ടായിട്ടില്ലെന്നും ഏഷ്യാന എയര്ലൈന്സ് അധികൃതര് പറഞ്ഞു. ഒമ്പത് പേരെയാണ് ആശുപത്രിയില് പ്രവേശിപ്പിച്ചതെന്ന് ദക്ഷിണ കൊറിയയിലെ യോന്ഹാപ്പ് വാര്ത്താ ഏജന്സി റിപ്പോര്ട്ട് ചെയ്തിട്ടുണ്ട്. യാത്രക്കാരനെ പോലീസ് കസ്റ്റഡിയില് എടുത്തിട്ടുണ്ട്. യാത്രക്കാരനെ ചോദ്യം ചെയ്തുവരികയാണെന്നും അധികൃതര് വിശദീകരിച്ചു.
