പത്തനംതിട്ട : ലോക ഭിന്നശേഷി ദിനാചരണത്തിൻ്റെ ഭാഗമായി ഡിസംബർ 3 വരെ വിവിധ പരിപാടികൾ സംഘടിപ്പിക്കുന്നു. പത്തനംതിട്ട ജില്ലാതല ഉദ്ഘാടനം തിരുവല്ലയിൽ വെച്ച് നടത്താൻ തീരുമാനിച്ചു. ഡിസംബർ 3-ാം തീയതി രാവിലെ 11 മണിക്ക് ബോധന ട്രെയിനിംഗ് സെന്ററിൽ വെച്ചു നടക്കുന്ന ചടങ്ങിൽ പത്തനംതിട്ട വിദ്യാഭ്യാസ ഉപഡയറക്ടർ അനില ബി. ആർ. അധ്യക്ഷത വഹിക്കും.
ചടങ്ങ് സംസ്ഥാന കേരളശ്രീ പുരസ്കാര ജേതാവും പത്തനാപുരം ഗാന്ധിഭവൻ സ്ഥാപകനുമായ ഡോ. പുനലൂർ സോമരാജൻ ഉദ്ഘാടനം ചെയ്യും. അന്നേ ദിവസം ബാലികാമഠം ഹയർ സെക്കൻററി സ്കൂളിൽ നിന്ന് രാവിലെ 9 മണിക്ക് കുട്ടികളുടെ റാലി ആരംഭിച്ച് 10 മണിയോട് കൂടി ബോധന ട്രെയിനിംഗ് സെന്ററിൽ സമാപിക്കും. റാലിയിൽ സ്കൗട്ട്സ്, ഗൈഡ്സ്, എൻ.സി.സി, എൻ.എസ്.എസ്, എസ്.പി.സി, ബാൻഡ്മേളം തുടങ്ങിയവയും കുട്ടികളുടെ ഫ്ളാഷ് മോബും ഉണ്ടായിരിക്കും.
