റാന്നി: ഓട്ടോറിക്ഷകളില്‍ മാര്‍ച്ച് ഒന്നു മുതല്‍ മീറ്റര്‍ ഇടാതെ ഓടുന്ന ഓട്ടങ്ങള്‍ സൗജന്യമെന്ന സ്റ്റിക്കര്‍ പതിക്കണമെന്ന തീരുമാനം പുനപരിശോധിക്കണമെന്ന്
പത്തനംതിട്ട ജില്ലാ മോട്ടോര്‍ എംപ്ലോയിസ് യൂണിയന്‍ (എ.ഐ.ടി.യു.സി) റാന്നി മണ്ഡലം കമ്മറ്റി സര്‍ക്കാരിനോട് ആവശ്യപ്പെട്ടു. ഇത്തരം തെറ്റായ തീരുമാനം നടപ്പിലാക്കാന്‍ സര്‍ക്കാര്‍ തയ്യാറാകരുത്. ഇത് യാത്രക്കാരും ഓട്ടോറിക്ഷാ തൊഴിലാളികളും തമ്മിലുള്ള സംഘര്‍ഷത്തിന് വഴി വെക്കും. കൂലി സംബന്ധിച്ച് തര്‍ക്കങ്ങളോ പ്രശ്നങ്ങളോ ഉണ്ടാക്കുന്ന ഓട്ടോറിക്ഷകള്‍ക്കെതിരെ നടപടി സ്വീകരിക്കുന്നതിന് പകരം എല്ലാവരേയും തെറ്റുകാരാക്കുന്ന നടപടി തിരുത്തണം. ഓട്ടോറിക്ഷാ തൊഴിലാളികളേയും കുടുംബാംഗങ്ങളേയും സര്‍ക്കാര്‍ വിരുദ്ധരാക്കാനുള്ള ചില ഉദ്യോഗസ്ഥരുടെ കുത്സിത ബുദ്ധിയാണീ തീരുമാനത്തിന് പിന്നില്‍. മീറ്റര്‍ ചാര്‍ജെന്നത് നഗരസഭകളിലും കോര്‍പറേഷന്‍ പരിധിയിലും മെട്രോസിറ്റികളിലുമായി സര്‍ക്കാര്‍ തീരുമാനിച്ചിരുന്നതും മലയോര മേഖലകളെ ഒഴിവാക്കിയിരുന്നതുമാണ്. സംസ്ഥാന പെര്‍മിറ്റുകള്‍ ഓട്ടോറിക്ഷകള്‍ക്ക് അനുവദിക്കാന്‍ തീരുമാനിച്ച നിലയ്ക്ക് മീറ്റര്‍ ചാര്‍ജെന്നത് അപ്രായോഗികമാണെന്നും തീരുമാനം പുനപരിശോധിക്കണമെന്നും മണ്ഡലം സെക്രട്ടറി എം.വി പ്രസന്നകുമാര്‍, പ്രസിഡന്‍റ് ജോര്‍ജ് മാത്യു എന്നിവര്‍ സംയുക്ത പ്രസ്ഥാവനയിലൂടെ സര്‍ക്കാരിനോട് ആവശ്യപ്പെട്ടു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
