കക്കാട് പവർ ഹൗസിൽ വൈദ്യുതി ഉത്‌പാദനം പുനരാരംഭിക്കാൻ വൈകും

സീതത്തോട് : തീപിടുത്തത്തിൽ കത്തിനശിച്ച കക്കാട് ജലവൈദ്യുതി പദ്ധതിയുടെ ഒന്നാം നമ്പർ ജനറേറ്ററിൽനിന്നുള്ള വൈദ്യുതി ഉത്‌പാദനം വൈകും. ജനറേറ്ററിന്റെ ഘടകഭാഗങ്ങൾ അഴിച്ചെടുത്തുള്ള പരിശോധന പൂർത്തിയാക്കാൻ ഒരുമാസം വേണ്ടി വരുമെന്നാണ് അധികൃതർ നൽകുന്ന സൂചന. 13-ന് വൈകിട്ടുണ്ടായ തീപിടുത്തത്തിലാണ് ഒന്നാം നമ്പർ ജനറേറ്റർ തകരാറിലാകുന്നത്. ഇതേത്തുടർന്ന് നടത്തിയ പരിശോധനയിൽ ജനറേറ്ററിന്റെ വൈൻഡിങ്ങിലുണ്ടായ ഷോർട്ട് സർക്യൂട്ടാണ് തീപിടുത്തത്തിനിടയാക്കിയതെന്ന് കണ്ടെത്തിയിരുന്നു.