കുമ്പനാട്: തദ്ദേശസ്ഥാപനങ്ങളിലേക്ക് നടക്കുന്ന തെരഞ്ഞെടുപ്പിൽ കോയിപ്രം ബ്ലോക്ക് പഞ്ചായത്തിൽ പൂവത്തൂർ ഡിവിഷനിൽ നിന്ന് മത്സരിക്കുന്ന യുഡിഎഫ് സ്ഥാനാർഥിയുടെ തെരഞ്ഞെടുപ്പ് സാമഗ്രികൾ സാമൂഹ്യ വിരുദ്ധർ വ്യാപകമായി തീയിട്ടും കീറിയും നശിപ്പിച്ചതായി പരാതി.
പൂവത്തൂർ ഡിവിഷനിൽ നിന്ന് മത്സരിക്കുന്ന യുഡിഎഫ് സ്ഥാനാർഥി സുബിൻ നീറുംപ്ലാക്കലിന്റെ പോസ്റ്ററുകളാണ് കഴിഞ്ഞ ദിവസം രാത്രിയിൽ സാമൂഹ്യ വിരുദ്ധർ വ്യാപകമായി തീയിട്ടും കീറിയും നശിപ്പിച്ചത്.
നെല്ലിമല അക്വഡെറ്റ് ഭാഗത്ത് പതിച്ച പോസ്റ്ററുകളാണ് തീയിട്ടു നശിപ്പിച്ചത്. ചെമ്പശേരിപ്പടി, കടപ്ര ഭാഗത്തുള്ള തെരഞ്ഞെടുപ്പ് സാമഗ്രികൾ കീറിനശിപ്പിച്ച നിലയിലുമാണ്. തെരഞ്ഞെടുപ്പ് സാമഗ്രികൾ നശിപ്പിച്ചവർക്ക് എതിരെ ശക്തമായ നടപടി സ്വീകരിക്കാൻ പോലീസ് തയാറാകണമെന്ന് കോണ്ഗ്രസ് കോയിപ്രം മണ്ഡലം കമ്മറ്റി ആവശ്യപ്പെട്ടു.
