പത്തനംതിട്ട : പത്തനംതിട്ട ജില്ലാ സോഷ്യൽ പോലീസിംഗ് ഡിവിഷനിലെ വിവിധ പദ്ധതികളുടെ ജില്ലാതല അവലോകന യോഗം മൈലപ്രയില് നടന്നു. എ.ഡി.ജി.പി പി.വിജയൻ ഉദ്ഘാടനം ചെയ്തു. ജില്ലാ പോലീസ് മേധാവി ആര്.ആനന്ദ് അധ്യക്ഷത വഹിച്ചു. ജില്ലയില് എസ്.പി.സി ചുമതല വഹിക്കുന്ന അധ്യാപകരോടും എസ്.പി.സി കേഡറ്റുകളോടും അദ്ദേഹം ദീർഘനേരം സംസാരിച്ചു. ദക്ഷിണമേഖലാ ഐ.ജി ജി.സ്പർജൻ കുമാർ മുഖ്യാതിഥിയായി. അഡീഷണല് എസ്.പി വിജയൻ റ്റി.ബി യോഗത്തില് സ്വാഗതമാശംസിച്ചു. എ.ഡി.എൻ.ഒ എസ്.ഐ സുരേഷ് കുമാർ ജി.കൃതജ്ഞത രേഖപ്പെടുത്തി.
വിവിധ പ്രോജക്ടുകളിൽപ്പെട്ട എസ്.പി.സിയിൽ നിന്ന് സി.പി.ഒ മാരായ മനോജ് ബി.നായർ, അനിലാ അന്നാ തോമസ് , ഡി.ഐ മാരായ വിജയ് വി.കൃഷ്ണൻ, ഫിറോസ് എ., ചൈൽഡ് ഫ്രണ്ട്ലി പോലീസ് സ്റ്റേഷനിൽ നിന്നുള്ള പത്തനംതിട്ട സി.ഐ അരുൺ ജി., ഹോപ്പ് പദ്ധതി പ്രതിഭാ ലേണിംഗ് സെന്റർ കോർഡിനേറ്റർ അശോക് കുമാർ, ഡി.സി.ആർ.സി കൗൺസിലർ നീതു കൃഷ്ണ, ഡി.ഡാഡ് സൈക്കോളജിസ്റ്റ് അപർണ്ണ എന്നിവർ പ്രോജക്ടുകളിൽ നടന്നു വരുന്ന പ്രോഗ്രാമുകളെക്കുറിച്ചും ഗുണകരമായ നിർദ്ദേശങ്ങളെക്കുറിച്ചും സംസാരിച്ചു. പത്തനംതിട്ട ജില്ലയുടെ സാംസ്കാരിക പൈതൃകത്തനിമ വിളിച്ചോതുന്ന ആറന്മുള പള്ളിയോടത്തിന്റെ മാതൃക ജില്ലാ പോലീസ് മേധാവി ആർ.ആനന്ദില് നിന്നും എ.ഡി.ജി.പി വിജയൻ ഉപഹാരമായി സ്വീകരിച്ചു.
