ഡല്ഹി : നിര്ഭയ കേസ് പ്രതി പവന് ഗുപ്തയുടെ രണ്ടാം തിരുത്തല് ഹര്ജിയും സുപ്രീംകോടതി തള്ളി. സുപ്രീംകോടതിയുടെ ആറംഗ ബെഞ്ചാണ് ഹര്ജി തള്ളിയത്. കുറ്റകൃത്യത്തില് ഏര്പ്പെടുമ്പോള് തനിക്ക് പ്രായപൂര്ത്തിയായിരുന്നില്ലെന്നും അതിനാല് വധശിക്ഷ ജീവപര്യന്തം ആക്കണമെന്നുമായിരുന്നു ഹര്ജിയില് ഇയാളുടെ വാദം. ഈ വാദം കോടതി മുഖവിലയ്ക്കെടുത്തില്ല. വെള്ളിയാഴ്ച പുലര്ച്ചെ പ്രതികള് നാല് പേരെയും തൂക്കിലേറ്റാനുള്ള നടപടികള് തിഹാര് ജയിലില് പൂര്ത്തിയായി കഴിഞ്ഞു. പുലര്ച്ചെ 5.30-നാണ് പ്രതികളുടെ ശിക്ഷ നടപ്പാക്കുന്നത്.
