തിരുവനന്തപുരം: മതവിദ്വേഷ പ്രസംഗ കേസില് മുന് എംഎല്എ പി.സി.ജോര്ജിനെ ഫോര്ട്ട് പോലീസ് ചോദ്യം ചെയ്യുന്നു.ഫോര്ട്ട് അസിസ്റ്റന്റ് കമ്മീഷണര് എസ്. ഷാജിയുടെ നേതൃത്വത്തിലുള്ള പോലീസ് സംഘമാണ് പിസിയെ ചോദ്യം ചെയ്യുന്നത്.ഫോര്ട്ട് അസിസ്റ്റന്റ് കമ്മീഷണറുടെ ഓഫീസില് രാവിലെ പതിനൊന്നരയ്ക്ക് ചോദ്യം ചെയ്യലിനായി അദ്ദേഹം ഹാജരായി.
ശബ്ദപരിശോധന നടത്തുന്നതിന് വേണ്ടി പി.സി. ജോര്ജിന്റെ സമ്മതം ഇന്ന് രേഖാമൂലം പോലീസ് സ്വീകരിക്കും.പ്രസംഗത്തെക്കുറിച്ചും അങ്ങനെ പറയാനുണ്ടായ സാഹചര്യങ്ങള് ഉള്പ്പെടെ ചോദിച്ച് മനസിലാക്കാനാണ് പോലീസിന്റെ തീരുമാനം. ആകാശവാണിയിലൊ ചിത്രാഞ്ജലി സ്റ്റുഡിയോയിലൊ ആണ് ശബ്ദപരിശോധന നടത്താന് പോലീസിന്റെ തീരുമാനം. ഇതിനായി പി.സി.ജോര്ജിന്റെ ശബ്ദസാംപിള് സ്റ്റുഡിയോയില് വച്ച് പോലീസ് ശേഖരിക്കും.
