പത്തനംതിട്ട : കേരള കോൺഗ്രസ് സ്ഥാപക നേതാക്കളിൽ ഒരാളും തിരുവല്ല മുൻ എംഎൽഎയും മധ്യ തിരുവിതാംകൂറിന്റെ നിരവധി വികസന പ്രവർത്തനങ്ങൾക്ക് നേതൃത്വം നൽകിയ വ്യക്തിയുമായിരുന്നു പി.സി തോമസ് എന്ന് കേരള കോൺഗ്രസ് ജില്ലാ പ്രസിഡന്റ് വിക്ടർ ടി തോമസ് പറഞ്ഞു. യൂത്ത് ഫ്രണ്ട് പത്തനംതിട്ട ജില്ലാ കമ്മിറ്റിയുടെ നേതൃത്വത്തിൽ പി.സി തോമസിന്റെ 29 മത് അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പി.സി തോമസിന്റെ സ്വപ്ന പദ്ധതി ആയിരുന്ന തിരുവല്ല പബ്ലിക് സ്റ്റേഡിയത്തെ അന്താരാഷ്ട്ര നിലവാരത്തിൽ ഉയർത്തുക എന്നുള്ളത്. അദ്ദേഹത്തിന്റെ ഓര്മ്മക്കായി സ്റ്റേഡിയത്തിന് പി.സി തോമസിന്റെ പേര് നല്കണമെന്നും കേരള യൂത്ത് ഫണ്ട് ജില്ലാ കമ്മറ്റി ആവശ്യപ്പെട്ടു. യൂത്ത് ഫണ്ട് ജില്ലാ പ്രസിഡന്റ് ബിനു കുരുവിള അധ്യക്ഷത വഹിച്ചു.
പാര്ട്ടി സംസ്ഥാന ജനറൽ സെക്രട്ടറി റോയി ചാണ്ട പിള്ള. യൂത്ത് സംസ്ഥാന ജനറൽ സെക്രട്ടറിമാരായ വി ആർ രാജേഷ്, ജോമോൻ ജേക്കബ്, സംസ്ഥാന വൈസ് പ്രസിഡണ്ട് സജി കൂടാരത്തിൽ, സ്റ്റിയറിങ്ങ് കമ്മിറ്റിയംഗം മാത്യു മുളമൂട്ടിൽ, യൂത്ത് ഫണ്ട് നേതാക്കളായ ജോസ് തേക്കാട്ടിൽ, ടോണി കുര്യൻ, ജഫ് ബിജു ഈശോ, എബ്രഹാം മാത്യു എന്നിവർ പ്രസംഗിച്ചു.
