ഇലവുംതിട്ട : പ്രായപൂർത്തിയാകാത്ത ബാലനെ പുകയില ഉല്പന്നങ്ങളും ലഹരി വസ്തുക്കളും നല്കി വശീകരിച്ച് പീഢിപ്പിച്ച കേസിൽ മധ്യവയസ്കൻ പോലീസ് പിടിയിലായി. ആല ജോയി സദനത്തിൽ എബ്രഹാം തോമസിന്റെ മകനും ഇപ്പോൾ മെഴുവേലി കല്ലംമോടി സുരാജ് ഭവനിൽ താമസിച്ചു വരുന്നതുമായ തോമസ് (58) നെയാണ് ഇലവുംതിട്ട പോലീസ് അറസ്റ്റ് ചെയ്തത്.
ഇലവുംതിട്ട ജനമൈത്രി പോലീസ് നടപ്പിലാക്കി വരുന്ന വഴികാട്ടി പദ്ധതി പ്രകാരം സ്കൂളുകളിൽ സ്ഥിരമായി വരാതിരിക്കുകയും പഠനത്തിൽ പിന്നാക്കം നിലക്കുന്ന കുട്ടികളെയും പ്രത്യേകമായി നിരീക്ഷച്ചതിൽ നിന്നും ലഭിച്ച സൂചനകളുടെ അടിസ്ഥാനത്തിൽ ഇയാൾ പോലീസ് നിരീക്ഷണത്തിലായിരുന്നു. കഴിഞ്ഞ ദിവസം ചൈൽഡ് ലൈനിൽ ലഭിച്ച പരാതിയുടെ അടിസ്ഥാനത്തിൽ ഡി വൈ എസ് പി കെ സജീവിന്റെ നിർദ്ദേശപ്രകാരം ഇലവുംതിട്ട എസ് എച്ച് ഒ ടി കെ വിനോദ് കൃഷണൻ, എസ് ഐ ശശികുമാർ ടി.പി, ലിൻസൺ സി എം, പോലീസുദ്യോഗസ്ഥരായ ശ്യാംകുമാർ, എസ് അൻവർഷ, എസ് ശ്രീജിത്ത്, എസ് അനൂപ്, അജിത്ത് എന്നിവരുൾപ്പെട്ട പോലീസ് സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.