പന്തളം : പെൻഷൻ പരിഷ്കരണ നടപടികള് ഉടൻ ആരംഭിക്കണമെന്നാവശ്യപ്പെട്ടുകൊണ്ട് കെ.എസ്.എസ്.പി.എ പന്തളം മണ്ഡലം കമ്മിറ്റിയുടെ നേത്രുത്വത്തില് സബ് ട്രഷറിക്ക് മുന്നിൽ നടത്തിയ പ്രതിഷേധ ധർണ ജില്ല വൈസ് പ്രസിഡന്റ് ആർ.നരേന്ദ്രനാഥ് ഉദ്ഘാടനം ചെയ്തു. പെൻഷൻ പരിഷ്കരണ നടപടികൾ ഉടൻ ആരംഭിക്കുക, 7 ഗഡു സമാശ്വാസം ഉടൻ അനുവദിക്കുക, സമ്പൂർണ്ണ ആരോഗ്യ പദ്ധതി കുറ്റമറ്റ രീതിയിൽ നടപ്പിലാക്കുക, ക്യാഷ് ലെസ്സ് ട്രീറ്റ്മെന്റ് ഉറപ്പാക്കുക, മെഡിസിപ്പ് പ്രീമിയം വർദ്ധനവ് പിൻവലിക്കുക, മുഖ്യമന്ത്രി പ്രഖ്യാപിച്ച നാല് ഗഡു ഡി.ആര് ഉടന് നല്കുക എന്നീ ആവശ്യങ്ങള് ഉന്നയിച്ചുകൊണ്ടായിരുന്നു സമരം.
മണ്ഡലം പ്രസിഡന്റ് അലക്സി തോമസ് അധ്യക്ഷത വഹിച്ചു. സംസ്ഥാന കമ്മിറ്റി അംഗം ആർ മോഹൻകുമാർ, ജില്ലാ ട്രഷറർ വൈ റഹീം റാവുത്തർ, രാധാകൃഷ്ണപിള്ള, തോമസ് കുട്ടി തുമ്പമൺ, പ്രൊഫ. അബ്ദുൽ റഹ്മാൻ, ശാന്തി സുരേഷ്, പികെ രഞ്ജൻ, കെ കെ ജോസ്, അനിൽ കോശി, എസ് കൃഷ്ണകുമാരി കുഞ്ഞമ്മ, സബൂറ അമ്മാൾ നന്ദകുമാർ, തങ്കം എന്നിവര് പ്രസംഗിച്ചു.
