റാന്നി : ഇടതുപക്ഷ സർക്കാരിന്റെ ജനക്ഷേമ പ്രവർത്തനങ്ങൾക്കും ജനക്ഷേമ പദ്ധതികൾക്കും ജനങ്ങൾ തദ്ദേശ തെരഞ്ഞെടുപ്പിലൂടെ അംഗീകാരം നൽകുമെന്നും ഇടതുപക്ഷ ജനാധിപത്യ മുന്നണി മൂന്നാമതും സംസ്ഥാനത്ത് സർക്കാർ രൂപീകരിക്കുമെന്നും പ്രമോദ് നാരായണൻ എംഎൽഎ പറഞ്ഞു. നിരാലംബരായ ജനങ്ങൾക്ക് ഏറെ ആശ്വാസം സാമൂഹിക ക്ഷേമ പെൻഷനുകളിലൂടെ ലഭിക്കും. 35 വയസ്സിന് മുകളിലുള്ള സ്ത്രീകൾക്ക് പ്രതിമാസം ആയിരം രൂപ നൽകുന്ന പദ്ധതി സംസ്ഥാനത്തെ സ്ത്രീകൾക്ക് വലിയ പ്രതീക്ഷ നൽകുമെന്നും എംഎൽഎ പറഞ്ഞു. അംഗൻവാടി ജീവനക്കാർക്കും ആശാവർക്കർമാർക്കും പുതിയ പ്രഖ്യാപനത്തിലൂടെ നേട്ടം ഉണ്ടാകുമെന്നും അദ്ദേഹം പറഞ്ഞു. തദ്ദേശ തെരഞ്ഞെടുപ്പിൽ ജനങ്ങൾ ഇടതുപക്ഷ ജനാധിപത്യ മുന്നണിക്ക് അനുകൂലമായി വോട്ട് രേഖപ്പെടുത്തുമെന്നും അദ്ദേഹം പറഞ്ഞു.
തദ്ദേശ തെരഞ്ഞെടുപ്പിന് മുന്നോടിയായിട്ട് ചേർന്ന കേരളാ കോൺഗ്രസ് (എം) റാന്നി നിയോജകമണ്ഡലം കോർ കമ്മിറ്റി യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കേരള കോൺഗ്രസ് (എം) റാന്നി നിയോജകമണ്ഡലം പ്രസിഡന്റ് ശ്രീ.ജോർജ് എബ്രഹാം അധ്യക്ഷത വഹിച്ചു.ബിബിൻ കല്ലമ്പറമ്പിൽ, ബോബി കാക്കനാപള്ളിൽ,റിന്റോ തോപ്പിൽ,ലിജോ വാളനാംകുഴിയിൽ,എംസി ജയകുമാർ, ടോമി വടക്കേമുറിയിൽ,ബെഹനാൻ ജോസഫ്,സാബു കുറ്റിയിൽ,ടോം ആയല്ലൂർ,ജോർളി മാത്യു, മണ്ഡലം പ്രസിഡന്റുമാരായ അഡ്വ. സിബി ജെയിംസ്,ടിബു പുരക്കൽ, ദിലീപ് ഉതിമൂട്, മാത്യുകുട്ടി ഏഴകുന്നേൽ, മാത്യുകുട്ടി നൊചെമണ്ണിൽ,കോശി എബ്രഹാം,എൻ എസ് ശോഭന, ഫിലിപ്പ് തേവർകാട്ടിൽ, ത്രിതല പഞ്ചായത്ത് അംഗങ്ങളായ ശോഭ ചാർളി, ജോമോൻ ജോസ്, അജയ്കുമാർ, കോശി കുരുടാമണ്ണിൽ എന്നിവർ പ്രസംഗിച്ചു.
