ന്യൂഡല്ഹി: പെരിയ ഇരട്ടകൊലപാതക കേസില് സി.ബി.ഐ അന്വേഷണത്തിന് സ്റ്റേയില്ലെന്ന് സുപ്രീംകോടതി. സിബിഐ അന്വേഷണത്തിന് എതിരെ സംസ്ഥാന സര്ക്കാര് നല്കിയ ഹരജിയില് സുപ്രീംകോടതി നോട്ടീസ് അയച്ചു.
സിബിഐ അന്വേഷണത്തിന് ഉത്തരവിട്ട ഹൈക്കോടതി വിധി സ്റ്റേ ചെയ്യണം. അതിനു ശേഷം ഈ കേസ് വിശദമായി പരിശോധിക്കണമെന്നാവശ്യപ്പെട്ടായിരുന്നു സംസ്ഥാന സര്ക്കാര് സുപ്രീംകോടതിയെ സമീപിച്ചത്.
സിബിഐ, കൊല്ലപ്പെട്ട കൃപേഷിന്റെയും ശരത് ലാലിന്റെയും മാതാപിതാക്കള് എന്നിവര്ക്കാണ് സുപ്രീംകോടതി നോട്ടീസയച്ചത്. നാലാഴ്ചക്കകം മറുപടി നല്കണം. ജസ്റ്റിസ് നാഗേശ്വര് റാവു അധ്യക്ഷനായ മൂന്ന് അംഗ ബെഞ്ചിന്റേതാണ് നടപടി. കേസില് സിബിഐ അന്വേഷണത്തിന് ഓഗസ്റ്റിലാണ് ഹൈക്കോടതി വിധി വന്നത്.
