കൊച്ചി : പെരിയ ഇരട്ടക്കൊലപാതക കേസില് ഡിജിപിയ്ക്ക് എതിരായ കോടതിയലക്ഷ്യ ഹര്ജി ഹൈക്കോടതി ഫയലില് സ്വീകരിച്ചു. ആഗസ്റ്റ് 25-ന് സിബിഐ അന്വേഷണത്തിന് ഡിവിഷന് ബെഞ്ച് ഉത്തരവിട്ടിട്ടും കേസിന്റെ രേഖകള് കൈമാറിയില്ലെന്ന് കാണിച്ചാണ് കോടതിയലക്ഷ്യ ഹര്ജി. എന്നാല് ഹൈക്കോടതി വിധിക്ക് എതിരായ സര്ക്കാര് അപ്പീല് സുപ്രീം കോടതിയുടെ പരിഗണനയില് ഉള്ളതിനാല് ഹര്ജി പിന്നീട് പരിഗണിക്കാം എന്ന് കോടതി വാക്കാല് അറിയിച്ചു. തുടര്ന്ന് ഹര്ജി പരിഗണിക്കുന്നത് ഈ മാസം 30ലേക്ക് മാറ്റി.
