ഹൈദരാബാദ് : ആന്ധ്രാപ്രദേശിലെ വിശാഖപട്ടണത്ത് ഫാര്മാ പ്ലാന്റിലുണ്ടായ വാതകച്ചോര്ച്ചയില് രണ്ടു തൊഴിലാളികള് മരിച്ചു. നാലു പേരെ ആശുപത്രിയില് പ്രവേശിപ്പിച്ചു. ഇവരില് ഒരാളുടെ നിലഗുരുതരമാണെന്നാണ് റിപ്പോര്ട്ട്.
സൈനോര് ലൈഫ് സയന്സസ് എന്ന ഫാര്മ കമ്പിനിയുടെ പ്ലാന്റില് ചൊവ്വാഴ്ച പുലര്ച്ചെയോടെയാണ് വാതക ചോര്ച്ചയുണ്ടായത്. ബെന്സിമിഡാസോള് വാതകമാണ് ഫാക്ടറിയില്നിന്ന് ചോര്ന്നത്. സ്ഥിതിഗതികള് നിയന്ത്രണത്തിലാണ്. വാതകം മറ്റൊരിടത്തേക്കും പടര്ന്നിട്ടില്ലെന്നും വര്വാഡ പോലീസ് സ്റ്റേഷന് ഇന്സ്പെക്ടര് ഉദയ് കുമാര് പറഞ്ഞു. മേയ് ഏഴിന് വിശാഖപട്ടണത്തെ എല്ജി പോളിമേഴ്സ് ഇന്ത്യ പ്രൈവറ്റ് ലിമിറ്റഡ് എന്ന കമ്പിനിയുടെ പ്ലാന്റിലുണ്ടായ വാതക ചോര്ച്ചയില് 12 പേര് മരിച്ചിരുന്നു. സ്റ്റൈറീന് വാതകമായിരുന്നു ഫാക്ടറിയില് നിന്ന് ചോര്ന്നത്.
