തിരുവല്ല: ഫിലിപ്പോസ് മാര്‍ ക്രിസോസ്റ്റത്തിന് കോവിഡ് സ്ഥിരീകരിച്ചുവെന്ന രീതിയില്‍ പ്രചരിക്കുന്ന വാര്‍ത്ത തികച്ചും അടിസ്ഥാനരഹിതമാണെന്ന് സഭാ സെക്രട്ടറി റവ.കെ.ജി.ജോസഫ് ഔദ്യോഗിക വാര്‍ത്താ കുറിപ്പിലൂടെ അറിയിച്ചു.
ഗുരുതരമായ ആരോഗ്യ പ്രശ്നങ്ങള്‍ ഒന്നും അദ്ദേഹത്തിനില്ലെന്നും എന്നാല്‍ പ്രായത്തിന്റെതായ ബുദ്ധിമുട്ടുകളും പ്രയാസങ്ങളും അദ്ദേഹത്തിനുണ്ടെന്നും ആശുപത്രി അധികൃതര്‍ അറിയിച്ചു. മാര്‍ത്തോമ്മാ സഭയിലെ വലിയ മെത്രാപ്പൊലീത്തയെ കുമ്പനാട് ഫെലോഷിപ്പ് ആശുപത്രിയില്‍ നിന്ന് തിരുവല്ല ബിലിവേഴ്സ് ആശുപത്രിയിലേക്ക് കഴിഞ്ഞദിവസം മാറ്റിയിരുന്നു. ബിലിവേഴ്സ് ആശുപത്രിയിലേക്ക് മാറ്റിയത് വിശദ പരിശോധനകള്‍ക്കും കൂടുതല്‍ വിദഗ്ധ ചികിത്സ ലഭ്യമാക്കുന്നതിനുമാണ്. ഫിലിപ്പോസ് മാര്‍ ക്രിസോസ്റ്റത്തിന് ഇപ്പോള്‍ 103 വയസുണ്ട്. ഈ മാസം 27ന് അദ്ദേഹത്തിന് 104 തികയും.
