ഫോൺ നഷ്ടമായാൽ നമ്മൾ ആകെ വിഷമത്തിലാവും. എന്നാൽ ഫേൺ കണ്ടെത്താൻ എളുപ്പവഴിയുമായി എത്തിയിരിക്കുകയാണ് ഗൂഗിൾ. ഗൂഗിളിന്റെ ഫൈൻഡ് മൈ ഡിവൈസ് ഉപയോഗിച്ചു നഷ്ടമായ ഫോൺ വീണ്ടെടുക്കാൻ കഴിയും. ഇതിന് ഇന്റർനെറ്റ് പേലും വേണ്ട എന്നാണ് ഗൂഗിൾ പറയുന്നത്. ആന്ഡ്രോയിഡ് ഫോണില് ഗൂഗിള് അക്കൗണ്ട് ലോഗിന് ചെയ്യുന്ന നിമിഷം തന്നെ ഫൈൻഡ് മൈ ഡിവൈസുമായി ഫോൺ കണക്ടാവും. ഇതിനായി ആൻഡ്രോയിഡ് ഫോണുകളിൽ ഫൈൻഡ് മൈ ഡിവൈസ് ഇൻസ്റ്റാൾ ചെയ്യേണ്ടതുണ്ട്. (പ്ലേ സ്റ്റോറിൽ സൗജന്യമായി ലഭ്യമാണ്).ഗൂഗിള് അക്കൗണ്ടുമായി ലിങ്ക് ചെയ്തിരിക്കുന്ന നിങ്ങളുടെ എല്ലാ ആൻഡ്രോയിഡ് ഉപകരണങ്ങളിലും സ്മാർട്ട്ഫോണുകൾ, ടാബ്ലെറ്റുകൾ, കൂടാതെ സ്മാർട്ട് വാച്ചുകൾ പോലും ഇത് ഉപയോഗിച്ച് തടസ്സമില്ലാതെ കണ്ടെത്താൻ കഴിയും.
ലൊക്കേഷൻ ട്രാക്കിംഗ്: തത്സമയ ലൊക്കേഷൻ: ഫോണിന് ഒരു സജീവ ഇന്റർനെറ്റ് കണക്ഷൻ ഉള്ളിടത്തോളം (മൊബൈൽ ഡാറ്റ അല്ലെങ്കിൽ വൈഫൈ) മാപ്പിൽ അതിന്റെ കൃത്യമായ ലൊക്കേഷൻ കാണാനാകും. ലാസ്റ്റ് സീൻ ലൊക്കേഷൻ:
ഫോൺ ഓഫ്ലൈനാണെങ്കിൽ പോലും അത് ഓഫ്ലൈനിലേക്ക് പോകുന്നതിന് മുൻപ് അതിന്റെ അവസാനത്തെ ലൊക്കേഷൻ ഈ ആപ്പുണ്ടെങ്കിൽ അറിയാൻ കഴിയും. ഇൻഡോർ മാപ്പുകൾ: ഫൈൻഡ് മൈ ഡിവൈസ് ഗൂഗിൾ മാപ്സുമായി സംയോജിച്ച് പ്രവർത്തിക്കുന്നു. ഫോണിന്റെ ലൊക്കേഷൻ കൃത്യമായി കണ്ടെത്തുന്നതിന് എയർപോർട്ടുകൾക്കും മാളുകൾക്കും മറ്റ് വലിയ കെട്ടിടങ്ങൾക്കും ഇൻഡോർ മാപ്പുകൾ നൽകിയിട്ടുണ്ട്. റിങ്ടോൺ പ്ലേ ചെയ്യാം: സൈലന്റ് മോഡിൽ ആണെങ്കിലും ഫോൺ ഫൈൻഡ് മൈ ഡിവേഴ്സുമായി കണക്ടു ചെയ്തിരുന്നാൽ റിങ് ചെയ്യിപ്പിക്കാം.
ഫോൺ സുരക്ഷിതമാക്കുക: ഡാറ്റയിലേക്കുള്ള അനധികൃത ആക്സസ് തടയാൻ ഒരു പിൻ അല്ലെങ്കിൽ പാസ്വേഡ് ഉപയോഗിച്ച് വിദൂരമായി ഫോൺ ലോക്ക് ചെയ്യാനാകും. ഡാറ്റ മായ്ക്കുക: ഇനി ഫോൺ വീണ്ടെടുക്കാനായില്ലെങ്കിൽ ഫോണിലെ സ്വകാര്യ വിവരങ്ങൾ മായ്ച്ചുകളയാനാവും. ഫോണിന്റെ ഐഎംഇഐ നമ്പർ ഫൈൻഡ് മൈ ഡിവൈസിൽ ഉണ്ടാവും. ഇത് ഉപയോഗിച്ച് പൊലീസിൽ പരാതി നൽകാം. നിലവിൽ ഈ ആപ്പ് ഉപയോഗിക്കണമെങ്കിൽ ഫോണിൽ സജീവ ഇന്റർനെറ്റ് വേണം. നെറ്റ് ഇല്ലാതെ ഈ സംവിധാനം ഉപയോഗിക്കാൻ കഴിയുന്ന രീതിയിലുള്ള അപ്ഡേഷൻ ഗൂഗിൾ അധികം വൈകാതെ നൽകും.
