പത്തനംതിട്ട : അധികാരങ്ങളും ഫണ്ടും കവർന്നെടുത്ത് പിണറായി സർക്കാർ തദ്ദേശ സ്വയം ഭരണ സ്ഥാപനങ്ങളെ നോക്കുകുത്തിയാക്കിയതായി ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പിൽ പറഞ്ഞു. മൈലപ്രാ മണ്ഡലം യു.ഡി.എഫ് തിരഞ്ഞെടുപ്പ് കൺവെൻഷൻ ഉദ്ഘാടനം ചെയ്ത സംസാരിക്കുകയായിരുന്നു അദ്ദേഹം. തനത് ഫണ്ട് ഉൾപ്പെടെയുള്ള ഫണ്ട് വെട്ടിച്ചുരുക്കുകയും സർക്കാർ മാമാങ്കൾക്കായി വിനിയോഗിക്കുവാൻ ഉത്തരവ് നല്കുകയും ചെയ്തതുമൂലം തദ്ദേശ സ്വയം ഭരണ സ്ഥാപനങ്ങളിൽ വികസന പ്രവർത്തനങ്ങൾ തടത്താതെ വ്യാപകമായ മുരടിപ്പാണ് ഉണ്ടായതെന്നും മുൻ പ്രധാമന്ത്രി രാജീവ് ഗാന്ധിയും അധികാര വികേന്ദ്രീകണവും സ്ത്രീശാക്തീകരണവും ലക്ഷ്യമാക്കിയുള്ള പഞ്ചായത്ത് രാജ് നഗരപാലികാ ബില്ലിന്റെ അന്തസത്ത പുന:സ്ഥാപിക്കുവാർ യു.ഡി.എഫ് പ്രതിജ്ഞാബദ്ധതയോടെ പ്രവർത്തിക്കുമെന്നും അദ്ദേഹം പറഞ്ഞു.
മൈലപ്രാ ഗ്രാമ പഞ്ചായത്തിൽ ഉൾപ്പെടെ ബഹുഭൂരിപക്ഷം തദ്ദേശ സ്ഥാപനങ്ങളിലും യു.ഡി.എഫ് അധികാരത്തിൽ എത്തുമെന്നും പ്രൊഫ. സതീഷ് കൊച്ചു പറമ്പിൽ പറഞ്ഞു. മണ്ഡലം തിരഞ്ഞെടുപ്പ് കമ്മിറ്റി ചെയർമാൻ ജെയിംസ് കീക്കരിക്കാട്ട് അദ്ധ്യക്ഷത വഹിച്ചു. ഡി.സി.സി സംഘടനാകാര്യ ജനറൽ സെക്രട്ടറി സാമുവൽ കിഴക്കുപുറം, ജനറൽ സെക്രട്ടറി എലിസബത്ത് അബു, വിത്സൺ തുണ്ടിയത്ത്, ലിബു മാത്യു, പി.കെ ഗോപി, എൽസി ഈശോ, എം.വി അമ്പിളി, എസ് സുനിൽകുമാർ, ക്യാപ്റ്റൻ സി.വി വർഗീസ്,ജെസി വർഗീസ്, ആകാശ് വർഗീസ് തോമസ്, ബിന്ദു ബിനു, ഓമന വർഗീസ് എന്നിവർ പ്രസംഗിച്ചു. ജില്ലാ, ബ്ലോക്ക്, ഗ്രാമ പഞ്ചായത്ത് സ്ഥാനാർത്ഥികളെ ഡി.സി.സി പ്രസിഡന്റ് ഷാൾ അണിയിച്ച് സ്വീകരിച്ചു.
