തിരുവനന്തപുരം : സ്വന്തം ശരീരം കൊണ്ടും പ്രവർത്തികൊണ്ടും വർഗീയതക്കെതിരെ പോരാടിയ വ്യക്തിയാണ് പി. ജയരാജനെന്ന് പിണറായി വിജയൻ. ചിന്താ പബ്ലിഷേഴ്സ് പ്രസിദ്ധീകരിച്ച പി. ജയരാജന്റെ ‘സനാതനികളുടെ ഹിന്ദുത്വ വഴികൾ’ എന്ന പുസ്തകത്തിന്റെ പ്രകാശനം നിർവഹിച്ചു സംസാരിക്കുകയായിരുന്നു അദ്ദേഹം. സ്വന്തം ശരീരം കൊണ്ടും ജീവൻ കൊണ്ടും സംഘപരിവാറിനെതിരെയും എല്ലാ വർഗീയ ശക്തികൾക്കെതിരെയും പൊരുതിനിന്ന ചരിത്രമാണ് ജയരാജനുള്ളതെന്ന് അദ്ദേഹം പറഞ്ഞു.
ജയരാജൻ നേരിട്ട വ്യക്തിപരമായ ആക്രമണങ്ങൾ കൂടി പരിഗണിക്കുമ്പോൾ ഈ പുസ്തകം എഴുതാൻ അദ്ദേഹം ബാക്കിയായി എന്നത് വലിയൊരു യാദൃശ്ചികതയാണെന്നും പിണറായി വിജയൻ പറഞ്ഞു. ന്യൂനപക്ഷ വർഗീയതക്കെതിരെ കെ.കെ. രാകേഷ് നടത്തിയ പരാമർശങ്ങൾ ചില മതവിഭാഗങ്ങൾക്കെതിരെയാണെന്ന് വരുത്തിത്തീർക്കാൻ ശ്രമങ്ങൾ നടക്കുന്നുണ്ടെന്നും അദ്ദേഹം വിമർശിച്ചു.
