കൊല്ലം: ഡിവൈഎഫ്ഐ പ്രവര്ത്തകര് പോലീസ് ഉദ്യോഗസ്ഥരുടെ മേല് കരി ഓയില് ഒഴിച്ച സംഭവത്തില് യൂണിഫോമിന്റെ ചിലവ് സേന തന്നെ വഹിക്കും. ഉപയോഗ ശൂന്യമായ യൂണിഫോമുകള്ക്ക് പകരം പുതിയത് വാങ്ങുന്നതിന് ഡിജിപി ഉത്തരവിട്ടു. കൊല്ലം, ആയുര് മാര്ത്തോമാ കോളേജില് വിദ്യാര്ത്ഥി സംഘര്ഷത്തിനിടയിലാണ് പോലീസ് ഉദ്യോഗസ്ഥര്ക്ക് നേരെ കരിയോയില് ഒഴിച്ചത്. 18 പോലീസുകാര്ക്കാണ് പുതിയ യൂണിഫോം വാങ്ങാന് പണം അനുവദിച്ച് ഡിജിപി ഉത്തരവ് ഇറങ്ങിയത്. കേരള പോലീസ് അസോസിയേഷന് സംസ്ഥാന പോലീസ് മേധാവിയ്ക്ക് നല്കിയ പരാതിയുടെ അടിസ്ഥാനത്തിലാണ് തീരുമാനം.
