പത്തനംതിട്ട : മല്ലപ്പള്ളി, ആനിക്കാട്, കോട്ടാങ്ങൽ പഞ്ചായത്തുകളുടെ കുടിവെള്ള പദ്ധതിക്കായി പ്രധാന റോഡുകൾ കുഴിച്ച് പൈപ്പിങ് പൂര്‍ത്തിയായതായി വാട്ടർ അതോറിറ്റി പ്രോജക്ട് ഡിവിഷൻ എക്സിക്യുട്ടീവ് എൻജിനീയർ. ഇനി ബാക്കിയുള്ളത് മൂന്ന് മാൻഹോളുകളുടെ പണി മാത്രമാണ്. ഇത് ചൂണ്ടിക്കാട്ടി പൊതുമരാമത്ത് വകുപ്പിന് കത്ത് നൽകുമെന്നും ടാർ ചെയ്യേണ്ട ചുമതല പി.ഡബ്ല്യു.ഡി.ക്കാണെന്നും എക്സിക്യുട്ടീവ് എൻജിനീയർ പറയുന്നു.
പൊളിച്ച റോഡ് പൂർവസ്ഥിതിയിലാക്കാനായി ഒരുകോടി രൂപ മരാമത്ത് വകുപ്പിന് വാട്ടർ അതോറിറ്റി മുൻകൂറായി അടച്ചിട്ടുള്ളതാണ്. വാട്ടർ അതോറിറ്റിയുടെ പൈപ്പിടൽ കാരണം ആനിക്കാട് പഞ്ചായത്തിലെ റോഡുകൾ നാളുകളായി വളരെ മോശാവസ്തയിലാണ്. ഇത് വഴിയാത്രക്കാരെയും വാഹനമായി പോകുന്നവരെയും ഏറെ ബാധിക്കുന്നു.
