കോഴിക്കോട്: വിസ്ഡം നേതാവ് ഡോ.അബ്ദുള്ള ബാസിലിനെതിരെ ജാമ്യമില്ല വകുപ്പ് പ്രകാരം കേസെടുത്ത നടപടിയിൽ പ്രതിഷേധവുമായി പികെ ഫിറോസ്. വർഗീയത പറയുന്നവരുടെ യാഥാർത്ഥ്യം പുറത്തു പറഞ്ഞതിന്റെ പേരിൽ ഒരാൾക്കെതിരെയും കേസെടുക്കാൻ ലീഗ് അനുവദിക്കില്ലെന്നും പി കെ ഫിറോസ് പറഞ്ഞു.അബ്ദുല്ല ബാസിലിന് എതിരെയുള്ള കേസ് പിൻവലിക്കണമെന്ന പികെ ഫിറോസ് പറഞ്ഞു. ആ കേസ് പിൻവലിക്കണമെന്ന് പറയാൻ ആണ് മുസ്ലിം ലീഗ് അധികാരത്തിൽ ഇരിക്കുന്നത്. വർഗീയത പറയുന്ന ഒരാളെയും സംരക്ഷിക്കില്ലെന്ന് പികെ ഫിറോസ് പറഞ്ഞു.
യൂത്ത് ലീഗ് മലപ്പുറം ജില്ലാ സമ്മേളനത്തിലാണ് പികെ ഫിറോസ് നിലപാട് വ്യക്തമാക്കിയത്. ചാനൽ ചർച്ചയിൽ പങ്കെടുത്ത് അഭിപ്രായം പറഞ്ഞതിൻ്റെ പേരിൽ വിസ്ഡം നേതാവ് ഡോ. അബ്ദുള്ള ബാസിലിനെതിരെ ജാമ്യമില്ല വകുപ്പ് പ്രകാരം കേസടുത്തതിൽ പ്രതിഷേധം ശക്തമാകുകയാണ്. മാധ്യമപ്രവർത്തകയുടെ പരാതിയിലാണ് കൊച്ചി സൈബർ പോലീസ് ബാസിലിനെതിരെ കേസെടുത്തത്. പോലീസ് നടപടിക്കെതിരെ മുസ്ലിം ലീഗ് അടക്കമുള്ള സംഘടനകൾ രംഗത്ത് വന്നു.
