തിരുവനന്തപുരം: കേരളത്തില് സ്വര്ണക്കടത്ത് വ്യാപകമാകുന്നുവെന്ന് ബിജെപി ദേശീയ നിര്വാഹക സമിതി അംഗം പി കെ കൃഷ്ണദാസ്. കള്ളക്കടത്ത് നടത്തുന്ന സംഘവും അത് കവര്ച്ച ചെയ്യുന്ന സംഘവും സജീവമാകുന്നു. ക്രമസമാധാന തകര്ച്ചയിലേക്ക് കാര്യങ്ങള് എത്തി. പക്ഷെ സര്ക്കാര് ഇപ്പോഴും മൗനം പാലിക്കുകയാണ്. കേരളത്തിലെ സ്വര്ണ്ണക്കടത്ത് തീവ്രവാദ വിരുദ്ധ സേനയെ കൊണ്ട് അന്വേഷിപ്പിക്കണമെന്ന് അദ്ദേഹം ആവശ്യപ്പെട്ടു.
പെരുവണ്ണാമുഴി പന്തിരിക്കരയില് സ്വര്ണക്കടത്ത് സംഘം തട്ടിക്കൊണ്ടു പോയ ഇര്ഷാദ് കൊല്ലപ്പെട്ട സംഭവത്തില് പോലീസ് അന്വേഷണം വ്യാപിപ്പിച്ചു. ഇര്ഷാദിന്റെ മരണത്തിന് പിന്നില് വിദേശത്തുള്ള ഷംനാദ്, നാസര് തുടങ്ങിയവരാണെന്നാണ് കുടുംബാംഗങ്ങള് ആരോപിക്കുന്നത്. വിദേശത്തുള്ള പ്രതികളുടെയും കുടുംബം സംശയം ഉന്നയിച്ചവരുടെയും വിദേശയാത്ര വിവരങ്ങള് ഉള്പ്പെടെ അന്വേഷണസംഘം ശേഖരിക്കുന്നുണ്ട്. ഇര്ഷാദിന്റെ പോസ്റ്റ് മോര്ട്ടം റിപ്പോര്ട്ട് ഇന്ന് അന്വേഷണസംഘത്തിന് ലഭിച്ചേക്കും. ശരീരത്തില് പരിക്കുകള് ഉണ്ടെന്നാണ് പ്രാഥമിക വിവരം. പോസ്റ്റ് മോര്ട്ടം റിപ്പോര്ട്ട് ലഭിക്കുന്നതോടെ ഇക്കാര്യങ്ങളില് കൂടുതല് വ്യക്തത ലഭിച്ചേക്കും.