തവനൂര്: നിയമസഭ തെരഞ്ഞെടുപ്പില് മലപ്പുറം ജില്ലയില് നിന്ന് വട്ടപ്പൂജ്യമാണ് ഇടതുപക്ഷത്ത് കിട്ടാന് പോകുന്നതെന്ന് പി.കെ. കുഞ്ഞാലിക്കുട്ടി. നരിപ്പറമ്പില് നടന്ന യു.ഡി.എഫ് തവനൂര് നിയോജക മണ്ഡലം കണ്വെന്ഷന് ഉദ്ഘാടനം ചെയ്യുകയായിരുന്നു അദ്ദേഹം.
മുതലാളിമാര്ക്ക് മാത്രം സീറ്റ് നല്കുന്ന വിഭാഗമായി ഇടതുപക്ഷം മാറി. പണച്ചാക്കുകളെ ഇറക്കി മണ്ഡലം പിടിച്ചെടുക്കാമെന്ന വ്യാമോഹം ഇത്തവണ നടക്കില്ല. ഭരണമാറ്റം ഉണ്ടാകുമെന്നും ശബരിമലയിലെ ആചാരാനുഷ്ഠാനങ്ങള് സംരക്ഷിക്കാന് യു.ഡി.എഫ് സര്ക്കാര് പ്രതിജ്ഞാബദ്ധമായിരിക്കുമെന്നും കുഞ്ഞാലിക്കുട്ടി പറഞ്ഞു.
സുരേഷ് പൊല്പ്പാക്കര അധ്യക്ഷത വഹിച്ചു. തവനൂര് മണ്ഡലം യു.ഡി.എഫ് സ്ഥാനാര്ഥി ഫിറോസ് കുന്നംപറമ്പില്, പി. ഇഫ്ത്തിഖാറുദ്ദീന്, എം. അബ്ദുല്ല കുട്ടി, ഇബ്രാഹിം മൂതൂര്, ടി.പി. മുഹമ്മദ് ഹാജി, വി.കെ.എം. ഷാഫി, ഷാജി പച്ചേരി, ഫൈസല് എടശ്ശേരി, ഇ.പി. രാജീവ്, പി. കുഞ്ഞിപ്പ ഹാജി എന്നിവര് സംസാരിച്ചു. ആര്.കെ. ഹമീദ് സ്വാഗതവും പി. നസറുള്ള നന്ദിയും പറഞ്ഞു.
