ഡല്‍ഹി: ഇന്‍-സിറ്റു ചേരി പുനരധിവാസ പദ്ധതിക്ക് കീഴില്‍ ഡല്‍ഹിയിലെ സാമ്പത്തികമായി പിന്നാക്കം നില്‍ക്കുന്ന വിഭാഗങ്ങള്‍ക്ക് പ്രധാനമന്ത്രി നരേന്ദ്ര മോദി 3024 പുതിയ ഫ്‌ലാറ്റുകള്‍ നല്‍കി. ഡല്‍ഹി ഡെവലപ്മെന്റ് അതോറിറ്റി 376 ചേരി ക്ലസ്റ്ററുകളില്‍ ഇന്‍-സിറ്റു ചേരി പുനരധിവാസ പദ്ധതി പ്രകാരം എല്ലാവര്‍ക്കും വീട് നല്‍കുന്നുണ്ടെന്ന് പിഎംഒ പുറത്തിറക്കിയ പ്രസ്താവനയില്‍ പറയുന്നു. ചേരി നിവാസികള്‍ക്ക് സൗകര്യങ്ങളോടുകൂടിയതും മെച്ചപ്പെട്ടതും ആരോഗ്യകരവുമായ ജീവിത അന്തരീക്ഷം പ്രധാനം ചെയ്യുക എന്നതാണ് ഈ പദ്ധതിയുടെ ലക്ഷ്യം.
