ഡല്ഹി: ദേശീയ തലസ്ഥാനത്ത് വര്ദ്ധിച്ചുവരുന്ന വായുമലിനീകരണത്തിന് കാരണമാകുന്ന കൃഷിയിടങ്ങളിലെ കറ്റകത്തിക്കല് ഉത്തരേന്ത്യന് സംസ്ഥാനങ്ങളില് പ്രത്യേകിച്ച് പഞ്ചാബില് കൂടിവരികയാണ്. കഴിഞ്ഞ കോണ്ഗ്രസ് സര്ക്കാരും പഞ്ചാബിലെ ഇപ്പോഴത്തെ എഎപി സര്ക്കാരും വൈക്കോല് കത്തിക്കുന്നതിനുള്ള ബദല് മാര്ഗങ്ങള് നിര്ദ്ദേശിച്ചിട്ടുണ്ടെങ്കിലും വാഗ്ദാനം ചെയ്ത പരിഹാരങ്ങളെക്കുറിച്ച് കര്ഷകര്ക്കിടയില് സംശയങ്ങള് ഇനിയും ബാക്കിയാണ്.
”കറ്റകള് കത്തിക്കുകയല്ലാതെ ഞങ്ങള്ക്ക് മറ്റ് മാര്ഗമില്ല. സബ്സിഡി സ്കീമുകള് വഴി നമുക്ക് വില്ക്കുന്ന യന്ത്രങ്ങള് വൈക്കോല് കത്തിക്കുന്നത് തടയാന് ഉപയോഗശൂന്യമാണ്. വാങ്ങിക്കുന്നതോ വാടകയ്ക്കെടുത്തതോ ആയ റോട്ടോബീറ്ററുകളും ഹാപ്പി സീഡറുകളും ഫലപ്രദമല്ല. പക്ഷേ ഒരു പ്രശ്നമുണ്ട്. കറ്റകള് കത്തിച്ചില്ലെങ്കില് വിളവെടുപ്പ് തുടരുമ്പോള് ഉല്പന്നങ്ങളെ പ്രാണികള് (പിങ്ക് ബോള്വോമുകള്) ബാധിക്കും.’- ഒരു കര്ഷകന് പറഞ്ഞു.
